اقش ورتالىق بارلاۋ باسقارماسىنىڭ بۇرىنعى قىزمەتكەرى ەدۆارد سنوۋدەن ءباسپاسوز بوستاندىعى قورىنىڭ ديرەكتورلار كەڭەسىنە مۇشە بولادى. بۇل تۋرالى يتار-تاسس حابارلادى.
اقش-تىڭ ءباسپاسوز بوستاندىعى قورى 2012 جىلدىڭ جەلتوقسان ايىندا قوعامنىڭ قىزىعۋشىلىعىن تۋدىراتىن اقپاراتتاردىڭ اشىق بولۋىنا ۇمتىلعان جۋرناليستەرگە قولداۋ كورسەتۋ ءارى قورعاۋ ماقساتىندا قۇرىلعان بولاتىن. قور ديرەكتورلار كەڭەسىنىڭ قۇرامىنا 1960 جىلدارى ۆەتنامعا قاتىستى پەنتاگون قۇجاتتارىنىڭ جاريا ەتىلۋىن ۇيىمداستىرعان اقش قورعانىس ءمينيسترىنىڭ بۇرىنعى كومەكشىسى دەنيەل ەللسبەرگ, اكتەر دجون كيۋساك پەن سنوۋدەننىڭ اقپاراتتارىن جاريالاۋ ارقىلى تانىمالدىلىعى ارتقان بريتاندىق «Guardian» گازەتىنىڭ قىزمەتكەرى گلەنن گرينۆالد كىردى.
ەدۆارد سنوۋدەن وتكەن جىلدىڭ ماۋسىم ايىندا اقش ارنايى قىزمەتىنىڭ ءتۇرلى ەلدەردەگى ازاماتتاردىڭ ينتەرنەتتەگى جانە تەلەفونداعى بايلانىستارىن جاسىرىن تىڭدايتىن قۇپيا باعدارلاماسىن جۇرتشىلىققا جاريا ەتكەن بولاتىن. باعدارلاما حالىقارالىق دەڭگەيدە داۋ تۋدىرىپ, اقش-تىڭ وداقتاستارى دا وعان نارازىلىقتارىن بىلدىرگەن ەدى. سول جىلدىڭ تامىزىندا ول رەسەيدەن ءبىر جىلعا ۋاقىتشا ساياسي باسپانا الدى.
ايدار ورىسباەۆ.
دەرەككوز: Itar-tass.com
فوتو: Itar-tass.com