الماتىلىق وقۋشىلار ماسكامەن قامتاماسىز ەتىلەدى. بۇل تۋرالى قالالىق ءبىلىم باسقارماسىنىڭ باسشىسى ءلاززات جىلقىباەۆا ونلاين بريفينگ بارىسىندا ءمالىم ەتتى, دەپ حابارلايدى Egemen.kz.
ونىڭ ايتۋىنشا, ساباق كەزىندە وقۋشىلار بەتپەردە تاعىپ وتىرادى.
«بالالار ساباقتا بەتپەردە تاعادى, بىراق اسحانا مەن دەنە شىنىقتىرۋ ساباعىندا تاعۋ مىندەتتى ەمەس. دەنە شىنىقتىرۋ ساباعى سىرتتا بولاتىندىقتان, قاشىقتىق ساقتالادى. اسحانادا ءبىز بارلىق سانيتارلىق نورمالاردىڭ ساقتالۋىن تالاپ ەتەمىز», دەدى باسقارما باسشىسى.
سونىمەن قاتار ول مەكتەپ بالالاردى قاجەت بولسا ماسكامەن قامتاماسىز ەتەتىنىن جەتكىزدى.
«وقۋشىلاردى انتيسەپتيك, بەتپەردەمەن قامتاماسىز ەتۋ - اتا-انالاردىڭ مىندەتى. بىراق, ەگەر اتا-انالاردىڭ وعان مۇمكىندىگى بولماعان جاعدايدا, وندا مەكتەپ قامتاماسىز ەتەتىن بولادى», دەدى ول.