تۇركىستان وبلىسىندا تانىسىنىڭ سىرتىنان نەسيە راسىمدەگەن الاياق ۇستالدى, دەپ حابارلايدى Egemen.kz Polisia.kz-كە سىلتەمە جاساپ.
كەنتاۋ قپب-عا جەرگىلىكتى تۇرعىن شاعىم ءتۇسىرىپ, ءوزىنىڭ تانىسىن قىلمىستىق جاۋاپكەرشىلىككە تارتۋدى سۇراعان.
ايەلدىڭ ايتۋى بويىنشا, ەسكى تانىسى ونىڭ اتىنان 90 000 تەڭگەگە نەسيە راسىمدەپ العان. بۇگىندە بۇل قارىز كولەمى ۇلعايىپ كەتكەن.
اتالعان فاكتىنى پوليتسيا قىزمەتكەرلەرى قر قك-ءنىڭ 190-بابى (الاياقتىق) بويىنشا تىركەدى.
جۇرگىزىلگەن جەدەل-ىزدەستىرۋ شارالارى بارىسىندا الاياقتىق جاساعان ساۋران اۋدانىنىڭ تۇرعىنىن انىقتاپ, پوليتسيا بولىمىنە جەتكىزدى. ول ءوز كىناسىن تولىقتاي مويىندادى.
كۇدىكتى ءوزىنىڭ باسقا بانكتەگى قارىزىن جابۋ ءۇشىن, تانىسىنىڭ جەكە مالىمەتتەرىن پايدالانىپ, ونىڭ ۇيالى تەلەفونى ارقىلى نەسيەگە ۇسىنىس جىبەرگەن. ۇسىنىسى ماقۇلدانعاننان كەيىن, ايەل اقشانى ءوزىنىڭ شوتىنا اۋدارعان.