ساۋدا مينيسترلىگىنىڭ القا ماجىلىسىندە «تاۋارلاردىڭ ۇلتتىق كاتالوگى» جوباسىن ازىرلەۋ بارىسى تالقىلاندى, دەپ حابارلايدى Egemen.kz.
ۆەدومستۆو ۆيتسە-ءمينيسترى اسەل جاناسوۆانىڭ ايتۋىنشا, تاۋارلاردىڭ ۇلتتىق كاتالوگىنىڭ جوباسىن ازىرلەۋ «قازاقتەلەكوم» اق-مەن بىرلەسىپ جۇرگىزىلىپ جاتىر.
جوبانىڭ ماقساتى – نارىققا قاتىسۋشىلار ءۇشىن تاۋاردىڭ تسيفرلىق پاسپورتىن ۇسىنۋ.
«بۇگىندە 2021 جىلعى 1 قازاننان باستاپ الەۋمەتتىك ماڭىزداعى ازىق-ت ۇلىك تاۋارلارىن كودتاۋ بويىنشا پيلوتتىق جوبانى وتكىزۋ بويىنشا ادىستەمەلىك ۇسىنىمدار بەكىتىلدى, سونداي-اق ينتەرفەيس ماكەتى ازىرلەندى», دەپ ءتۇسىندىردى اسەل جاناسوۆا.
ۆيتسە-مينيستر ءوز بايانداماسىندا كاتالوگتا مەديا كونتەنت, سالماق-كولەم جانە باسقا دا تۇتىنۋ سيپاتتامالارى بار تاۋارلاردىڭ تسيفرلىق كوشىرمەلەرى قامتىلاتىنىن, ال 2021 جىلدىڭ سوڭىنا دەيىن كاتالوگتا 30 000 تاۋار ءتۇرى قولجەتىمدى بولاتىنىن حابارلادى.