الماتىداعى مەكتەپتەر مەن بالاباقشالار Ashyq جوباسىنا 100% قوسىلدى. بۇل تۋرالى الماتى اكىمى باقىتجان ساعىنتاەۆ تىكەلەي ەفير بارىسىندا ايتتى, دەپ حابارلايدى Egemen.kz.
«الماتى» تەلەارناسىنداعى Akimat Live باعدارلاماسىنىڭ تىكەلەي ەفيرىندە قالا اكىمى قالاداعى ەپيدەميولوگيالىق احۋالعا توقتالدى. 10 تامىز كۇنى مەگاپوليستە 1 493 ادامنان كوروناۆيرۋس انىقتالدى. ونىڭ ىشىندە 1 397 جاعداي سيمپتومدى. انىقتالماعان پنەۆمونيا – 7 جاعداي. تاۋلىكتىك ءوسىم - 1,2%. رەپرودۋكتيۆتى سانى – 1,010.
ۇكىمەتتىڭ تاپسىرماسىنا سايكەس مەديتسينالىق قارسى كورسەتكىشتەرى بارلاردى قوسپاعاندا, مۇعالىمدەر مەن تەحنيكالىق پەرسونالدى 100% ۆاكتسينالاۋ 25 تامىزعا دەيىن جۇرگىزىلۋى ءتيىس.
بۇل رەتتە الماتى قالاسىنىڭ اكىمى باقىتجان ساعىنتاەۆ اتا-انالار دا بالالارىنىڭ قاۋىپسىزدىگىن ويلاپ, ەكپە سالدىراتىنىنا سەنىمدى.
قازىرگى ۋاقىتتا سانيتاريالىق-ەپيدەميولوگيالىق باقىلاۋ دەپارتامەنتى ماماندارىمەن بىرگە مەكتەپتەردىڭ دايىندىعى تەكسەرىلىپ جاتىر.
20 تامىزعا دەيىن كۆارتستەندىرۋ, دەزينفەكتسيالاۋ, ماسكا رەجيمى مەن كۇندەلىكتى تەرمومەتريادان تۇراتىن سانيتارلىق تالاپتارعا سايكەستىگىن تەكسەرۋ اياقتالۋى ءتيىس.
مەكتەپتەر مەن بالاباقشالار Ashyq جوباسىنا 100% قوسىلعان جانە 1 قىركۇيەكتەن باستاپ جۇيەدە جۇمىس جاساۋعا دايىن.
جۇيە بارلىق وقۋ ورىندارىندا ەنگىزىلگەن, مۇعالىمدەر, قىزمەتكەرلەر جانە اتا-انالارعا وسى جۇيە بويىنشا ىشكە ەنە الادى.
الماتى قالاسىنىڭ ءبىلىم بەرۋ جۇيەسىنىڭ قىزمەتكەرلەرى, ونىڭ ىشىندە ءبىلىم بەرۋدەگى جاڭا تەحنولوگيالاردىڭ عىلىمي-ادىستەمەلىك ورتالىعى, «الماتى دارىنى» دارىندى بالالار مەن دارىندى جاستاردى انىقتاۋ مەن قولداۋ ورتالىعى, قالالىق دەنە شىنىقتىرۋ مەن سپورتتىڭ وقۋ-تاجىريبەلىك ورتالىعى, مەملەكەتتىك بالاباقشالار مەن مەكتەپتەر, كوللەدجدەر, ينتەرناتتار, قوسىمشا ءبىلىم بەرۋ ۇيىمدارى 100% ۆاكتسينالانعان. بۇل ۇيىمداردا بارلىعى 36 825 ادام جۇمىس ىستەيدى, 32 113 ادام ۆاكتسينالاۋعا جاتادى.
سونداي-اق, جەكە بالاباقشالاردىڭ ۇجىمدارى - 100%, جەكەمەنشىك مەكتەپتەر - 85%, قوسىمشا ءبىلىم بەرەتىن جەكە ۇيىمدار 58% ەكپە سالدىرعان.