الماتى وبلىسىنداعى پوليتسەي ۇرىنى بوساتىپ جىبەردى

الماتى وبلىسىندا مال ۇرلىعى تيىلماي تۇر. بۇل تۋرالى «كتك» تەلەارناسى حابارلادى.

ۇرىلاردىڭ تۇرعىنداردى باسىنعانى سونشالىق, تاپا-تال تۇستە مال قورالارىنا كىرىپ, ءبىر ءۇيدىڭ 46 ءىرى قارا مالىن ۇرلاعان. جالپى, 3 اي ىشىندە قاراوي اۋىلىنان 130-عا جۋىق ءتورت ت ۇلىك قولدى بولىپتى. ءبىر تاڭقالارلىعى, تۇرعىندار ۇرىلاردىڭ كىم ەكەنىن پوليتسەيلەرگە ايتقانىمەن, ولار «ناقتى دايەك جوق» دەگەن جەلەۋدى العا تارتىپ, شارا كورۋگە اسىقپاعان كورىنەدى.

«ۇرىنى مەن ءوزىم ۇستاپ الىپ ەدىم. بىراق, ۋچاسكەلىك ينسپەكتوردى شاقىرعاندا ول ارىزىمدى قابىلدامادى. ايتۋىنشا, ۇرلانعان مالدىڭ باعاسى نەبارى 450 مىڭ تەڭگە, سوندىقتان بۇل قىلمىستىق ءىس قوزعاۋعا جاتپايتىن ۇرلىق ەكەن. كەمى 900 مىڭ بولعاندا عانا ءىس قوزعالادى دەيدى. وسىنداي دا ءسوز بولا ما ءوزى؟ ءبىر قاپ كارتوپ ۇرلاساڭ دا سوتتايدى عوي», - دەيدى شارۋا قوجالىعىنىڭ يەسى ناريمان گۋسەينوۆ.

تۇرعىندار ايتقان ۇرىنى قۇقىق قورعاۋ قىزمەتكەرى سول كۇنى بوساتىپ جىبەرگەن. قازىر ونىڭ قايدا ەكەنىن ەشكىم بىلمەيدى.

ىلە اۋداندىق ىشكى ىستەر ءبولىمىنىڭ باستىعى تالعات بەركىمباەۆتىڭ مالىمدەۋىنشە, مال ۇرلاعان كۇدىكتى سىرتتان كەلگەن. سوندىقتان شارۋالارمەن بىرلەسىپ, كۇزەت قىزمەتىن كۇشەيتەتىن بولىپ وتىر.

ءامىرحان الماعانبەتوۆ.

دەرەككوز: «كتك» تەلەارناسى

فوتو: «كتك» تەلەارناسى.