نيگەرياداعى سوكوتو شتاتىندا ءبىر وتباسىنىڭ 24 مۇشەسى ۋلانعان سۋ ءىشىپ مەرت بولدى, دەپ حابارلايدى Egemen.kz Premium Times پورتالىنا سىلتەمە جاساپ.
سوكوتو شتاتىنىڭ دەنساۋلىق ساقتاۋ جونىندەگى كوميسسارى الي يننامە نيگەريالىق وتباسىنىڭ 24 مۇشەسى قايتىس بولعانىن راستادى. كوميسسار ءوز مالىمدەمەسىندە وقيعا سوكوتو شتاتىنىڭ يسا جەرگىلىكتى اكىمشىلىگىنىڭ بارگاجا اۋدانىنداعى دانزانكە اۋىلىندا بولعانىن حابارلادى.
ونىڭ ايتۋىنشا, وقيعانىڭ سەبەبى اس تۇزىنىڭ ورنىنا Gishirin Lalle دەپ اتالاتىن حيميالىق تىڭايتقىش ءتۇرىن قولدانۋ بولدى.
«وكىنىشكە وراي, حيميالىق زات قوسىلعان استى جەگەن بارلىق وتباسى مۇشەلەرى قايتىس بولدى. بارلىق زارداپ شەككەندەردىڭ ءومىرىن قاجەتتى مەديتسينالىق كومەك كورسەتۋ ارقىلى قۇتقارۋ ارەكەتتەرى ءساتسىز بولدى», دەدى يننامە.
كوميسسار جۇرتشىلىقتى وسى وقيعادان ساباق الىپ, وسىنداي حيميكاتتاردى قول جەتىمدى جەرلەردەن الىس ۇستاۋعا شاقىردى.
يننامە ازىق-ت ۇلىك ساقتاۋ ورىندارىن ءاردايىم باسقا اۋىلشارۋاشىلىق جانە سۇلۋلىق ونىمدەرىنەن بولۋگە, سونداي-اق قولدانار الدىندا بارلىق ينگرەديەنتتەر مەن تاعامداردى مۇقيات تەكسەرۋگە كەڭەس بەردى. ول ازىق-ت ۇلىك قويمالارى شىبىنداردان جابىلىپ, دايىندالعان تاماق پەن سۋ كوزدەرى سەنىمدى قورعالۋى كەرەك دەپ اتاپ ءوتتى.
«جاڭبىردان كەيىن جەر ءۇستى سۋلارىنىڭ لاستانۋىن بولدىرماۋ ءۇشىن قۇدىقتاردىڭ قاقپاقتارى بولۋى كەرەك. سۋدى قولدانار الدىندا, ونى قايناتىپ الۋ ماڭىزدى», دەپ ءتۇسىندىردى كوميسسار.
سونداي-اق ول ادامداردى شىبىندار مەن باسقا دا تاسىمالداۋشىلاردىڭ سانىن ازايتۋ ءۇشىن قورشاعان ورتانىڭ تازالىعىن باقىلاۋعا شاقىردى.