2021 جىلعى 2-3 تامىز ارالىعىندا الماتى وبلىسىندا ءدىن ماسەلەلەرى جونىندەگى رەسپۋبليكالىق اقپاراتتىق-ءتۇسىندىرۋ توبىنىڭ (راتت) ماماندارى حالىقتىڭ ءدىنتانۋ ساۋاتتىلىعىن ارتتىرۋ جانە قوعامدا ءداستۇرلى رۋحاني-ادامگەرشىلىك قۇندىلىقتاردى قالىپتاستىرۋ مەن ءدىني ەكسترەميزمنىڭ الدىن الۋ شەڭبەرىندە جەرگىلىكتى تۇرعىندارمەن بىرقاتار ءىس-شارالار مەن كەزدەسۋلەر وتكىزدى. رەسپۋبليكالىق اقپاراتتىق-ءتۇسىندىرۋ توبىنىڭ قۇرامىنا بىلىكتى تەولوگتار, ءدىنتانۋشىلار جانە پسيحولوگتار – ج.ساندىباەۆ, ج.قاڭتارباەۆا, ي.بەرداليەۆ, ە.ماتاەۆ تارتىلدى.
راتت مۇشەلەرى تالدىقورعان قالاسىنىڭ تۇرعىندارىمەن, قاپشاعاي جاستارىمەن, ەسكەلدى, ىلە, قاراساي اۋداندارىندا مەشىت جاماعاتىمەن, سونداي-اق الماتى وبلىستىق پوليتسيا دەپارتامەنتىنىڭ قىزمەتكەرلەرىمەن جانە سپورت ينتەرناتتارىندا وقيتىن جەتكىنشەكتەرمەن جالپى پروفيلاكتيكالىق جۇمىس جۇرگىزىپ, سەمينارلار مەن كەزدەسۋلەر وتكىزدى. وسى ءىس-شارالارعا 290-عا جۋىق ادام قاتىستى. ءىس-شارالار كارانتيندىك تالاپتارعا ساي قاداعالانىپ جۇرگىزىلدى.
وتكىزىلگەن ءىس-شارالار بارىسىندا وڭىرلەر تۇرعىندارىنا قازاقستاندا تۇراتىن بارلىق كونفەسسيالار مەن ەتنوستاردىڭ بەيبىت ءوزارا ءىس-قيمىلىمەن قاتار ءومىر سۇرۋىنە, قازاقستان حالقىنىڭ مادەنيەتى مەن رۋحاني مۇراسىنا, دەسترۋكتيۆتى جالعان ءدىني جانە راديكالدى يدەيالاردىڭ زياندىلىعىنا باعىتتالعان ءدىن سالاسىنداعى مەملەكەتتىك ساياساتتىڭ ءمانى تۋرالى اقپارات بەرىلدى.
بۇل جوبانىڭ ماقساتى – ءدىني ساۋاتتىلىقتى ارتتىرۋ, حالىق اراسىندا ءدىني ەكسترەميزم مەن تەرروريزمنىڭ الدىن الۋ, مادەني مۇرا مەن داستۇرلەردى ناسيحاتتاۋ ارقىلى قوعامدىق ساناعا تەرىس اسەر ەتۋدەن قورعاۋ. سونىمەن قاتار ءدىني راديكاليزمگە قارسى ءىس-قيمىلدىڭ بەرىك نەگىزى رەتىندە ءداستۇرلى رۋحاني قۇندىلىقتار مەن ءدىن اراسىنداعى ءوزارا بايلانىس ماسەلەلەرى تالقىلاندى.
تالعات احىمبەتوۆ,
«جاڭا شابىت» قب باسشىسى