قورعانىس ءمينيسترىنىڭ ءبىرىنشى ورىنباسارى – قازاقستان رەسپۋبليكاسى قارۋلى كۇشتەرى باس شتابىنىڭ باستىعى گەنەرال-لەيتەنانت مۇرات بەكتانوۆ بەلارۋس رەسپۋبليكاسىنا رەسمي ساپارمەن باردى, دەپ حابارلايدى Egemen.kz.
بەلارۋس رەسپۋبليكاسىنىڭ قورعانىس ءمينيسترى گەنەرال-لەيتەنانت ۆيكتور حرەنينمەن جانە قارۋلى كۇشتەرى باس شتابىنىڭ باستىعى گەنەرال-مايور ۆيكتور گۋلەۆيچپەن كەزدەسۋلەردە قورعانىس سالاسىنداعى قازاقستان-بەلارۋس ىنتىماقتاستىق ماسەلەلەرى تالقىلاندى. اتاپ ايتقاندا, ەكىجاقتى جانە كوپجاقتى نەگىزدە جاۋىنگەرلىك دايارلىق ءىس-شارالارى مەن وقۋ-جاتتىعۋلاردى وتكىزۋدى, ارميالىق حالىقارالىق ويىنداردى ۇيىمداستىرۋ جانە وعان قاتىسۋ, كادرلار دايارلاۋ جانە اسكەري ءبىلىم بەرۋ, اسكەري-تەحنيكالىق ىنتىماقتاستىق, پاتريوتتىق تاربيە ماسەلەلەرى.تاراپتار ءوزارا قىزىعۋشىلىق تۋدىراتىن سالالارداعى ىنتىماقتاستىقتى كەڭەيتۋگە ءوزارا مۇددەلىلىكتى اتاپ ءوتتى.ساپار بارىسىندا بەلارۋس رەسپۋبليكاسىنىڭ اسكەري اكادەمياسىنا, جەكە دەسانتتىق-شابۋىلداۋ بريگاداسىنا, قورعانىس-ونەركاسىپ كەشەنىنىڭ كاسىپورىندارىنا, ۇلى وتان سوعىسى تاريحي جادىگەرى بەلارۋس مەملەكەتتىك مۇراجايىنا باردى.قازاقستاندىق دەلەگاتسيا برەستتىڭ كۇشتىك قۇرىلىمدارىنىڭ باسشىلىعىمەن, سونداي-اق بەلارۋس قارۋلى كۇشتەرىنىڭ اۋە-دەسانتتىق اسكەرلەرى مەن ارنايى وپەراتسيالار كۇشتەرىنىڭ ارداگەرلەرىمەن كەزدەستى. گەنەرال-لەيتەنانت مۇرات بەكتانوۆ «برەستسكايا كرەپوست-گەروي» مەموريالدىق كەشەنى مەن مينسك قالاسىنداعى جەڭىس مونۋمەنتىنە گۇل شوقتارىن قويدى.