قر دەنساۋلىق ساقتاۋ ءمينيسترى الەكسەي تسوي Ashyq جوباسىنا قاتىساتىن ۇيىمداردىڭ سانىن اتادى, دەپ حابارلايدى Egemen.kz.
«Ashyq جوباسىنا قوسىلۋعا قويىلاتىن تالاپتاردى جەڭىلدەتۋ قاتىسۋشىلاردىڭ سانىن ءۇش ەسەگە ارتتىردى. اعىمداعى جىلدىڭ 27 شىلدەسىنەن 2 تامىزى ارالىعىندا جوباعا قاتىسۋشىلار سانى 21 900-دەن 67 782-گە دەيىن ءوستى», دەدى الەكسەي تسوي ۇكىمەت وتىرىسىندا.
ول Ashyq جوباسى اياسىندا مونيتورينگتىك توپتار 50 مىڭ وبەكتىنى - جوبانىڭ قاتىسۋشىلارىن قامتىعانىن ەسكە سالدى.
«642 وبەكتىدە بۇزۋشىلىقتار انىقتالدى. تسيفرلىق دامۋ مينيسترلىگىنىڭ دەرەگىنشە, 10 شىلدەدەن بەرى 16 663 زاڭ بۇزۋشى انىقتالدى, ونىڭ ىشىندە 10 305 كەلۋشى - «قىزىل» جانە 6358 «سارى» مارتەبەلى. وسىلايشا, 16 مىڭنان استام نىساندا تۇرعىنداردىڭ كوروناۆيرۋس ينفەكتسياسىن جۇقتىرۋ قاۋپىن سەيىلتتى», دەپ قورىتىندىلادى مينيستر.