پروموۋتەر ەددي حيرن گەننادي گولوۆكين مەن ساۋل الۆارەستىڭ جەكپە-جەگى 2021 جىلدىڭ قىركۇيەگىندە ءوتۋى مۇمكىن ەكەنىنە سەنبەيدى. بۇعان دەيىن ساۋل الۆارەستىڭ كالەب پلانتپەن كەزدەسۋى بولماي قالعاننان كەيىن قارسىلاسسىز قالعانى بەلگىلى بولدى, دەپ جازادى Sports.kz.
«مەن گەننادي گولوۆكين مەن ساۋل الۆارەستىڭ جەكپە-جەگىن قىركۇيەك ايىندا ۇيىمداستىرۋعا بولاتىنىنا سەنبەيمىن. گەننادي ەندى جەلتوقسان ايىندا رەتا مۋراتامەن جۇدىرىقتاسۋعا تولىق كوڭىل بولەدى. الۆارەس پەن گولوۆكين اراسىنداعى جەكپە-جەك ولار كارەراسىن اياقتاعانعا دەيىن كۇن تارتىبىندە بولا بەرەدى. بۇل جەكپە-جەك 2022 جىلدىڭ مامىر ايىندا ءوتۋى مۇمكىن.
قازىر ءبىز الۆارەستىڭ 18 قىركۇيەكتە جەكپە-جەك وتكىزىپ-وتكىزبەيتىنىن شەشۋىمىز كەرەك نەمەسە دەمالىپ, بيىل بىزدە تەك ءبىر جەكپە-جەك بولاتىنىن قابىلداۋ كەرەك», دەپ ءتۇسىندىردى حەرن BoxingScene-كە بەرگەن پىكىرىندە.