وبلىستىق باس سانيتارلىق دارىگەرىنىڭ قاۋلىسىمەن سەنبى كۇندەرى وڭىردەگى حقكو-لار جۇمىس ىستەمەيتىن بولدى. تەك دۇيسەنبىدەن جۇماعا دەيىن ساعات 9:00-دەن 18:00 ارالىعىندا قىزمەت كورسەتەدى, دەپ حابارلايدى Egemen.kz.
«مۇنى حالىققا قىزمەت كورسەتۋ بولىمدەرىنە بارۋدى جوسپارلاعان ازاماتتار, اسىرەسە كەزەككە مىندەتتى تۇردە الدىن الا تاپسىرىس بەرگەن ازاماتتاردىڭ ەسكەرگەنى ءجون.
قوستاناي (1,2,3 بولىمدەر مەن مامانداندىرىلعان حقكو), رۋدنىي جانە توبىل قالاسىنداعى حقكو-لار الدىن الا برونداۋ بويىنشا جۇمىس ىستەيدى.
كەزەككە 1414 بىرىڭعاي بايلانىس ورتالىعى, egov.kz ەلەكتروندىق ۇكىمەت پورتالى جانە تelegram بوت EgovBotKz2. 0. ارقىلى تاپسىرىس بەرۋگە بولادى. سونىمەن قاتار, مامانداندىرىلعان حقكو-لار قۇجاتتاردى ساعات 9.00-دەن 16.00-گە دەيىن عانا قابىلدايدى.
دايىن قۇجاتتاردى بەرۋ 9.00-دەن 18.00-گە دەيىن جۇرگىزىلەدى. كەزەكتى برونداۋ كەزىندە وسىنى ەسكەرگەن ءجون. حقكو بارعان كەزدە سانيتارلىق-پروفيلاكتيكالىق نورمالاردى ساقتاڭىزدار, بەتپەردە كيىپ, الەۋمەتتىك قاشىقتىقتى ساقتاڭىزدار. عيماراتقا كىرۋ Ashyq قوسىمشاسى بويىنشا جۇزەگە اسىرىلادى», دەدى «ازاماتتارعا ارنالعان ۇكىمەت» مك» كەاق وبلىستىقفيليالىنىڭ PR-مەنەدجەرى ياروسلاۆا بوگاتىرەۆا.
قوستاناي وبلىسى