جاس ماماندار اۋىلعا بەت بۇردى

اۋىلعا بارىپ جۇمىسقا تۇرىپ, ءبىرجولا سوندا ءومىر سۇ­رۋگە تاۋەكەل ەتكەن جاس مامان­دارعا كوتەرمە جاردەماقى مەن باسپانا الۋ ءۇشىن بيۋدجەتتىك نەسيە بەرىلەدى. باعدارلامانىڭ جاستارعا پايداسى تيەتىن وسىن­­­داي ۇتىمدى تۇستارى كوپ بولعانىمەن, ازىرشە وعان قا­تىسىپ جاتقاندار ونشا كوپ ەمەس ەكەنىن دە ايتا كەتۋ كەرەك.

العاشقىلاردىڭ ءبىرى بولىپ ديپلوممەن اۋىلعا اتتان­عان جاستىڭ ءبىرى – اقمارال يسمادياروۆا. بۇگىندە ول ناۋىر­زىم اۋدانىنداعى ءدامدى اۋىل­دىق وكرۋگىندە باس مامان قىز­مەتىن اتقارىپ ءجۇر.

– اۋىلعا بارىپ جۇمىس ىستەگىسى كەلەتىن جاستاردى ىن­تا­لان­دىراتىن مەملەكەتتىك باعدارلامانىڭ بار ەكەنىن بۇرىننان بىلەتىنمىن. بىراق باعدارلامانىڭ مەم­لەكەتتىك قىزمەتشىلەردى قام­تيتىنىن بىلتىر عانا الەۋ­مەتتىك جەلىدەن وقىدىم. مۇن­داي مۇم­كىندىكتى جىبەرىپ الۋعا بولمايدى, بىردەن قاجەتتى قۇجاتتارىمدى جيناستىرىپ, حالىققا قىزمەت كورسەتۋ ورتا­لىعىنا ءوتىنىش تاپسىردىم. كوپ كەشىكپەي دامدىگە جولداما بەرىلدى. مۇندا كەلە سالىسىمەن كوتەرمە جاردەماقى الدىم, – دەدى جاس مامان.   

«ديپلوممەن – اۋىلعا!» باعدارلاماسى ءاۋ باستا دەن­ساۋ­لىق, ءبىلىم, سپورت پەن ما­دەنيەت جانە اۋىل شارۋا­شىلىعى سالالارىنا جاس مامانداردى كوپتەپ تارتۋ ماق­ساتىندا قابىلدانعان. بىلتىر بۇل مامانداردىڭ قاتارىنا مەملەكەتتىك قىزمەت­شىلەر دە قوسىلعاندىعى دۇرىس شەشىم بولىپ وتىر.

– شىنىندا دا, ءبىزدىڭ ءوڭىر, اسىرەسە, اۋىلدىق ەلدى مەكەندەر كادر تاپشىلىعىن قاتتى سەزىنىپ وتىر. مىسالى, ناۋىرزىم, التىنسارين, ۇزىنكول اۋداندارىندا ماماندار جەتىسپەيدى, – دەدى وبلىستىق مەملەكەتتىك قىزمەت ىستەرى جونىندەگى دەپار­تامەنتتىڭ باسقارما باسشىسى ءاليا وسپانوۆا. 

اتالعان جوبا بويىنشا اۋىلعا جۇمىسقا كەلگەن جاس ما­مانداردىڭ ارقايسىسىنا 250 مىڭ تەڭگەنىڭ ۇستىندە كوتەرمە جاردەماقى جانە 4 جارىم ملن تەڭگە شاماسىندا باسپانا نەسيەسى بەرىلەدى.

قوستاناي وبلىسى