وزبەكستان رەسپۋبليكاسىنىڭ ارحەولوگيالىق ەسكەرتكىشتەرى بىرىڭعاي ەلەكتروندىق مەملەكەتتىك رەەسترگە بىرىكتىرىلەدى, دەپ حابارلايدى Egemen.kz تۇركى اكادەمياسىنىڭ رەسمي سايتىنا سىلتەمە جاساپ.
وسىعان بايلانىستى وزبەكستان ولي ءماجليسى زاڭ شىعارۋ پالاتاسىنىڭ عىلىم, ءبىلىم, مادەنيەت جانە سپورت جونىندەگى كوميتەتى «ارحەولوگيالىق مۇرا وبەكتىلەرىن قورعاۋ جانە پايدالانۋ تۋرالى» زاڭ جوباسىن تالقىلاۋعا ارنالعان سەمينار وتكىزدى.
اتالعان زاڭ جوباسى عىلىمي نەگىزدەلگەن تەرمينولوگيانى كورسەتۋ, ارحەولوگيالىق ەسكەرتكىشتەردىڭ بىرىڭعاي ەلەكتروندى مەملەكەتتىك رەەسترىن ەنگىزۋ جانە مەملەكەتتىك قورىق قۇرۋ ارقىلى نىساندار مەن ولاردى تىركەۋ جۇيەسىن رەفورمالاۋ ماسەلەلەرى قامتىلعان. بۇل ارحەولوگيالىق مۇرانى ساقتاۋعا كومەكتەسەدى.
سونىمەن قاتار, قۇجات ماتەريالدىق جانە مادەني مۇرا وبەكتىلەرىن قورعاۋدى, عىلىمي تۇرعىدان زەرتتەۋدى, ولاردى ۇتىمدى پايدالانۋ مەن ەلدىڭ تۋريستىك الەۋەتىن ارتتىرۋداعى ءرولى مەن ماڭىزىن ارتتىرۋدى, سونداي-اق ماتەريالدىق جانە مادەني مۇرالارعا مەملەكەتتىك باقىلاۋدى تۇبەگەيلى جەتىلدىرۋ كوزدەيدى.
سەمينار قورىتىندىسى بويىنشا قاتىسۋشىلار زاڭ جوباسى قاتىستى ۇسىنىستاردى بىرىزدەندىرۋ, سونداي-اق ولاردى جوبانى جەتىلتىرۋ بارىسىندا ەسكەرۋگە ۋاعدالاستى.