قر دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باقىلاۋ كوميتەتىنىڭ توراعاسى ايجان ەسماعامبەتوۆا جاڭا وقۋ جىلىنىڭ باسىنان باستاپ مەكتەپتەردە Ashyq قوسىمشاسىن پايدالانۋ مۇمكىندىگى تۋرالى ماسەلەگە قاتىستى تۇسىنىكتەمە بەردى, دەپ حابارلايدى Egemen.kz.
«بۇل جونىندەگى ماسەلە پىسىقتالۋدا. بالالار قىركۇيەكتەن باستاپ وففلاين وقۋدى باستايدى دەلىك. ارينە, بۇگىندە مەكتەپتەردە وقيتىن بالالاردىڭ سانى ايتارلىقتاي كوپ. بالالار ينفەكتسيانى مەكتەپتەن جۇقتىرىپ, قاسىنداعى ادامدارعا دا تاراتۋى مۇمكىن دەگەن قورقىنىشىمىز بار. سوندىقتان بۇگىنگى تاڭدا Ashyq جۇيەسىنە مەكتەپتەردى, مەكتەپكە دەيىنگى ۇيىمداردى, جوو-لاردى قوسۋ ماسەلەسىن قاراستىرۋدامىز», دەدى ايجان ەسماعامبەتوۆا وكق بريفينگىندە.
سونداي-اق, ول مۇعالىمدەردىڭ ۆاكتسيناتسياسى مەن سمارتفونداردىڭ قولدانىلۋىنا تىيىم سالىنعان مەكتەپتەر تۋرالى ساۋالعا جاۋاپ بەردى.
«ەكپەگە قارسى كورسەتىلىمدەرى جوق مۇعالىمدەردەن مىندەتتى تۇردە ۆاكتسيناتسيا پاسپورتى تالاپ ەتىلەتى. وفلاين رەجيمگە كوشۋ ءۇشىن مۇعالىمدەر ۆاكتسيناتسيالاۋدان ءوتۋى كەرەك. سونىمەن قاتار, Ashyq جوباسى اياسىندا باس دارىگەردىڭ قاۋلىسىنا سايكەس, ەگەر سمارتفون بولماسا, ادام ءوزىنىڭ جسن-ءىن اتاي الادى. وسىلايشا, باقىلاۋدى جۇزەگە اسىراتىن ادام بالانىڭ جسن-ءى بويىنشا مارتەبەسىن تەكسەرە الادى. بۇل بالالاردىڭ قاۋىپسىزدىگى», دەپ تۇيىندەدى كوميتەت باسشىسى.