الداعى اقپان ايىندا رەسەيدىڭ سوچي قالاسىندا وتەتىن XII قىسقى وليمپيالىق ويىنداردا قازاقستان قۇراماسىنىڭ تۋ ۇستاۋشىسى شاڭعىشى ەردوس احماديەۆ (سۋرەتتە) بولىپ بەكىتىلدى. بۇل تۋرالى Ras.kz حابارلادى.
14 قاڭتار كۇنى الماتى ماڭىنداعى سولدات سايىندا ورنالاسقان شاڭعى-بياتلون كەشەنىندە قازاقستاننىڭ شاڭعىمەن جۇگىرۋدەن چەمپيوناتىنىڭ ءبىرىنشى تۋرى باستالادى. بىرىنشىلىككە ءوزىنىڭ جەكە باعدارلاماسى بويىنشا دايىندىعىنا كىرىسكەن الەكسەي پولتورانيننەن باسقا ەلىمىزدىڭ مىقتى شاڭعىشىلارىنىڭ ءبارى قاتىسادى.
چەمپيوناتتىڭ نەگىزگى جارىستارى 15 قاڭتاردا وتەدى. ال 16 قاڭتار كۇنى ەركىن جۇرىسپەن بولەك-بولەك جارىسۋ بولادى. مۇنىڭ سوڭعىسىنا ۋكراينا مەن تۇركيانىڭ دا سپورتشىلارى قاتىسادى.
ەسكە سالا كەتەيىك, بۇدان ءتورت جىل بۇرىن ۆانكۋۆەردە وتكەن قىسقى وليمپيالىق ويىنداردا قازاقستان قۇراماسىنىڭ تۋىن بياتلونيست دياس كەنەشوۆ الىپ وتكەن بولاتىن.
سوچي وليمپياداسى 2014 جىلعى 6 اقپاندا باستالىپ, 23 اقپاندا اياقتالادى. ونىڭ اشىلۋ سالتاناتى 7 اقپاندا وتسە, جابىلۋى 24 اقپانعا تۋرا كەلەدى.
دانيار راحمان.
دەرەككوز: Ras.kz
فوتو: Ras.kz.