قوستاناي وبلىسىندا كامەلەتكە تولماعان قىزدى قورقىتىپ, زورلاعان بۇرىنعى پوليتسيا قىزمەتكەرى جازاعا تارتىلدى. بۇل تۋرالى «استانا» تەلەارناسى حابارلادى.
سوت ۇكىمىمەن باقىت قوجاباەۆ 10 جىلعا باس بوستاندىعىنان ايرىلدى. ول اۋليەكول اۋدانى امانقاراعاي كەنتىندە ۋچاسكەلىك ينسپەكتور بولىپ قىزمەت اتقارعان ەكەن. ب. قوجاباەۆ وتكەن جىلدىڭ 4 شىلدەسىندە قىزمەت بارىسىندا ۇلكەندەردىڭ قاراۋىنسىز جۇرگەن ەكى قىزدى تىرەك بەكەتىنە جەتكىزەدى. كەيىن كامەلەتكە تولماعان قىزداردىڭ بىرەۋىن بولەك كابينەتكە كىرگىزىپ, ەكىنشىسىن كۇشپەن زورلاعان. 14 جاسار قىزدىڭ اتا-اناسى دەرەۋ اۋداندىق ىشكى ىستەر بولىمىنە ارىز جازادى. وسىعان قاتىستى قىلمىستىق ءىس قوزعالىپ, ول قاماۋعا الىندى. سوڭعى سوت وتىرىسىندا 25 جاستاعى ءتارتىپ ساقشىسى قىلمىسكەر دەپ تانىلىپ, 10 جىلعا تۇرمەگە وتىرۋعا جازا كەسىلدى. بۇعان قوسا, جابىرلەنۋشىگە 250 مىڭ تەڭگە كولەمىندە مورالدىق شىعىن تولەيتىن بولدى.
«سوت باقىت قوجاباەۆتى قىلمىستىق كودەكستىڭ 121-بابى 3-ءبولىمىنىڭ «ۆ» تارماعىنا سايكەس, كىنالى دەپ تانىپ, 10 جىلعا باس بوستاندىعىنان ايىرۋ تۋرالى ۇكىم شىعاردى», - دەدى وبلىستىق قىلمىستىق ىستەر بويىنشا مامانداندىرىلعان اۋدانارالىق سوتىنىڭ سۋدياسى بەيبىت ۇزاقباەۆ.
باقىتبەك كەنەش ۇلى.
دەرەككوز: «استانا» تەلەارناسى
فوتو: Aktau - news.kz.