اتىراۋدا بيزنەسمەندەردىڭ ءىس-ارەكەتتەرىن تەكسەرۋ بارىسىندا زاڭ تالاپتارىن بۇزعان 50 شەنەۋنىك جازاعا تارتىلدى. بۇل تۋرالى Ras.kz حابارلادى.
«اتىراۋ وبلىسىنىڭ پروكۋرورلارى وتكەن جىلدىڭ قورىتىندىسى بويىنشا بيزنەس جۇمىسىنا رەتسىز ارالاسۋعا بايلانىستى ءۇش جۇزدەن استام ءتارتىپ بۇزۋشىلىقتىڭ ورىن العانىن انىقتادى. ناتيجەسىندە 50 شەنەۋنىك جاۋاپكەرشىلىككە تارتىلدى», – دەلىنگەن حابارلامادا.
جەرگىلىكتى وڭىردەگى ءجونسىز تەكسەرۋگە بايلانىستى كاسىپكەرلەر مەن پروكۋرورلار بىرلەسىپ, ءوزارا مەموراندۋمعا قول قويدى. سايتتا جازىلعان دەرەككە جۇگىنسەك, وتكەن جىلدىڭ وزىندە كاسىپكەرلەر قۇقىن بۇزۋعا قاتىستى ءتورت جۇزدەن اسا شاعىم تۇسكەن.
«قازىردىڭ وزىندە بىزگە كوپتەگەن كاسىپكەرلەر كەلىپ, بەلگىلى ءبىر جاعدايلاردا قۇقىقتارىن قورعاۋدى وتىنەدى. ولار كوبىنە-كوپ جەر ماسەلەلەرىنە قاتىستى, ارحيتەكتۋرا جەلىسى بويىنشا رۇقسات الۋدىڭ قيىندىعىنا بايلانىستى بولىپ كەلەدى», – دەدى وبلىستىق كاسىپكەرلەر پالاتاسىنىڭ ديرەكتورى اسىلبەك جاقيەۆ.
وبلىستىق پروكۋراتۋرانىڭ وكىلى اسلان نۇرعاليەۆ اتاپ وتكەندەي, اتالمىش مەموراندۋمنىڭ ماقساتى – كاسىپكەرلىك سۋبەكتىلەرىنىڭ مۇددەلەرىن قامتاماسىز ەتۋ ءارى بيزنەستى دامىتۋدا ەكى جاقتى بىرلەسكەن جانە ۇيلەسىمدى ءىس-قيمىلدى جۇزەگە اسىرۋ.
باقىتبەك كەنەش ۇلى.
دەرەككوز: Ras.kz
فوتو: Ras.kz.