قازاقستاندىقتار كارانتين تالاپتارىن بۇزعانى ءۇشىن جىل باسىنان بەرى 1,5 ملرد تەڭگە تولەدى, دەپ حابارلايدى Egemen.kz.
ۆاك-تىڭ COVID-19 تاراتپاۋ تۋرالى حابارلاماسىندا قازىرگى كەزدە رەسپۋبليكادا 1860 ءموبيلدى مونيتورينگ توبى جۇمىس ىستەيتىنى ايتىلعان.
«ولاردىڭ قىزمەتتەرىن تالداۋ بارىسىندا ماۋسىم ايىندا بەلسەندىلىك پەن جۇمىس تيىمدىلىگىنىڭ 32%-عا تومەندەگەنى انىقتالدى», دەپ اتاپ ءوتتى باسىلىمدا.
تۇركىستان, الماتى, قاراعاندى جانە اتىراۋ وبلىستارىندا جۇمىس ناتيجەسى تومەندەگەن. ال شىمكەنتتە, الماتىدا جانە جامبىل وبلىسىندا تيىمدىلىك ارتقانى بايقالادى.
«Ashyq جوباسى اياسىندا 35 344 شاعىن جانە ورتا بيزنەس نىسانى تەكسەرىلدى. 482 كاسىپورىندا زاڭ بۇزۋشىلىقتار انىقتالدى. رەسپۋبليكاداعى مونيتورينگتىك توپتار 1 قاڭتاردان 24 شىلدەگە دەيىن جالپى سانى 132088 رەيد جۇرگىزىپ, 758679 نىساندى قامتىعانىن اتاپ وتكەن ءجون. 20158 نىساندا شەكتەۋ شارالارىن بۇزۋ دەرەگى انىقتالدى.
وتكەن كەزەڭدە 19 026 ادام, ونىڭ ىشىندە 11 376 كاسىپكەرلىك سۋبەكتىلەرىنىڭ وكىلى جانە 7 650 جەكە تۇلعا جاۋاپكەرشىلىككە تارتىلدى. بارلىعى 1,5 ميلليارد تەڭگەدەن استام سومادا ايىپپۇل ءوندىرىلدى. 91 نىساننىڭ قىزمەتى توقتاتىلدى, سوتقا 334 ماتەريال ءتۇستى», دەپ جازىلعان حابارلامادا.