التىن ساتىپ الۋ ازايمايدى

ۇلتتىق بانك حالىققا تازار­تىل­عان التىن قۇيمالاردى ساتۋ جانە ساتىپ الۋ باعدارلاماسىن 2017 جىلى ىسكە قوسقان ەدى. باع­دار­لاما جۇزەگە اسقالى جالپى سالماعى 2,1 توننا 57 968 التىن قۇيما ساتىلعان. نارىقتا جالپى ال­تىن قۇيمالارىنىڭ بەس ءتۇرى ۇسى­نىلادى: 5, 10, 20, 50 جانە 100 گراممدىقتار. ساتىپ الۋشىلار اراسىندا ەڭ كوپ سۇرانىسقا يە بولعانى – 10 گرامدىق قۇيما. ونىڭ جالپى ساتىلىمداعى ۇلەسى 30 پا­يىز – 17 435 دانا. ودان كەيىن 100 گرامدىق قۇيما – 12 801 دانا (22 پايىز) جانە 20 گرامدىق قۇيما – 11 624 دانا (20 پايىز), 5 گرامدىق قۇيما – 9 336 دانا (16 پايىز), 50 گرامدىق قۇيما – 6 772 دانا (12 پا­يىز). نەگىزىنەن, ول­شەن­گەن قۇيمالار الماتى, نۇر-سۇلتان جانە اتىراۋ قالالارىندا سۇ­را­نىسقا يە ەكەن.

«التىن قۇيمالار سەنىمدى ينۆەس­­تي­تسيالىق قۇرال بولا الا­دى. بانكتەر مەن بانكتىك ەمەس ايىرباستاۋ پۋنكتتەرىنىڭ كليەنت­كە اقشاسىن تولەپ, قۇي­ما­لاردى «كۇنبە-كۇن» ساتىپ الا الاتىن مۇم­كىندىگى – التىن قۇي­مالار نارى­عىنىڭ وتىمدىلىگىن قامتا­ما­سىز ەتۋدە نەگىزگى فاكتورعا اينالىپ وتىر. ءار قۇيما قورعانىس ەلە­مەنت­تەرىمەن (قۇيمالاردىڭ اينا بەتى, ميكروتەكست جانە رەلەفتىڭ شەتى), قۇيمالاردى مەحانيكالىق زاقىمدانۋدان قورعايتىن جانە پاكەتتىڭ اشىلعان-اشىلماعانىن تەكسەرۋدى جەڭىلدەتەتىن ارنايى قاپتامامەن شىعارىلادى. قور­عا­نىس قاپتاماسى, سونىمەن قاتار قۇيمانىڭ ساپا سەرتيفيكاتى بولا الادى. سوندىقتان قۇيمانى ساقتاعاندا مۇقيات بولىپ, ورامانى اشپاعان ءجون», دەلىنگەن ۇلت­تىق بانك حابارلاماسىندا.

قازىرگى ۋاقىتتا التىن قۇيما­لار­دى Halyk Bank-تە, ەۋرازيالىق بانكتە, Jusan Bank-تە, بانك تسەنتركرەديتتە, سونداي-اق بانكتىك ەمەس ايىرباستاۋ پۋنكتتەرىندە ساتىپ الۋعا جانە ساتۋعا بولادى.

30 ماۋسىمداعى جاعداي بويىنشا ەلىمىزدىڭ التىن-ۆاليۋتا قورى 35,1 ملرد دوللاردى قۇرايدى. ءبىر اي ىشىندە 1,4 ملرد دوللارعا ازايعان. ۇلتتىق بانكتىڭ حابارلاۋىنشا دوللاردىڭ نىعايۋىنا بايلانىستى التىن باعاسى ۋنتسيا­سىنا 7 پايىزعا (1892-دەن 1758 دوللارعا) ارزانداعان. بۇل التىن باعاسىنىڭ 2015 جىلدىڭ قارا­شا­سى­نان بەرى العاش رەت قۇل­دى­راۋى.

ۇلتتىق بانك توراعاسىنىڭ ورىنباسارى ءاليا مولدابە­كو­­ۆا­نىڭ ايتۋىنشا, قورداعى التىن­نىڭ ۇلەسى – 62 پايىز. «ناۋرىز ايىندا ترويا ۋنتسياسى 1683 دوللار بو­لىپ, مامىردىڭ باسىندا 1950-گە كو­تەرىلىپ قالپىنا كەل­دى. سون­دىق­تان التىن باعاسى قۇ­بىلمالى بولىپ تۇر.