كحدر وڭتۇستىك كورەيا پرەزيدەنتى پاك كىن حەنىڭ 1950-1953 جىلدارى كورەي سوعىسى كەزىندە بىرىنەن-ءبىرى كوز جازىپ قالعان وتباسىلاردى كەزدەستىرۋ جونىندەگى ۇسىنىسىن قابىلدامادى. بۇل تۋرالى يتار-تاسس حابارلادى.
سولتۇستىك كورەيا وڭتۇستىكتىڭ بىلتىر جۇرگىزگەن, سونداي-اق بيىل دا ىسكە اسىرۋدى جوسپارلاعان اسكەري امال-تاسىلدەرىنە قارسى ەكەندەرىن ءبىلدىردى. ولاردىڭ ۇسىنىستى قابىلداماۋىنىڭ باستى سەبەبى دە وسى بولعان كورىنەدى.
جالپى كحدر وڭتۇستىك كورەيامەن قارىم-قاتىناسىن جاقسارتۋدان قارسى ەمەس. «ەگەر وڭتۇستىك كورەي سوعىسى كەزىندە بىرىنەن-ءبىرى كوز جازىپ قالعان وتباسىلاردى كەزدەستىرۋ جونىندەگى پحەنياننىڭ ۇسىنىسىن تالقىلاعىسى كەلسە, ءبىز كەز-كەلگەن وڭتايلى ۋاقىتتا ولارمەن جولىعۋعا دايىنبىز», – دەپ جازىلدى سولتۇستىك كورەيانىڭ حابارلاماسىندا.
بۇدان بۇرىن وڭتۇستىك كورەيا پرەزيدەنتى پاك كىن حە اتالمىش شارانى قاڭتار ايىندا وتكىزۋدى جوسپارلاعان ەدى. سونىمەن قاتار, مەملەكەت باسشىسى پحەنيانعا بولىنەتىن گۋمانيتارلىق كومەكتىڭ مولشەرىن ۇلعايتۋعا ءسوز بەرىپ, كحدر باسشىسى كيم چەن ىنمەن كەز-كەلگەن ۋاقىتتا جولىعۋعا ءازىر ەكەنىن جەتكىزگەن بولاتىن. «ءبىر-بىرىنەن كوز جازىپ قالعان وتباسىلاردى جولىقتىرۋ سىندى گۋمانيتارلىق باعدارلامالاردىڭ جۇزەگە اسىرىلۋى ەكىجاقتى قارىم-قاتىناستى جاقسارتۋعا سەپتىگىن تيگىزەدى», – دەدى ول.
ايدار ورىسباەۆ.
دەرەككوز: Itar-tass.com
فوتو: Itar-tass.com