بۇل تۋرالى ءىىم اپتالىق بريفينگىندە مينيسترلىكتىڭ ءباسپاسوز وكىلى شۇعىلا تۇرلىبەك حابارلادى, دەپ جازادى Egemen.kz
پرەزيدەنت قاسىم-جومارت توقاەۆ قر مەملەكەتتىك باسقارۋ جۇيەسىن جەتىلدىرۋ جونىندەگى شارالار تۋرالى جارلىققا قول قويدى.
«جارلىققا سايكەس, ءىىم تەرگەۋ يزولياتورلارى مەن قىلمىستىق اتقارۋ جۇيەسى مەكەمەلەرىندە ۇستالاتىن ادامداردى مەديتسينالىق قامتاماسىز ەتۋ سالاسىنداعى مەملكەتتىك ساياساتتى ۇيلەستىرۋ جونىندەگى فۋنكتسيالار مەن وكىلەتتىكتەر تولىعىمەن دەنساۋلىق ساقتاۋ مينيسترلىگىنە بەرىلەدى. بۇعان دەيىن ءىىم كەڭەيتىلگەن القا وتىرىسىندا مەملەكەت باسشىسى وتاندىق پەنيتەنتسيارلىق جۇيەنىڭ جاعدايىن جاقسارتۋ قاجەتتىگىن ايتقان بولاتىن. وسىعان بايلانىستى ءىىم قىلمىستىق اتقارۋ جۇيەسىنىڭ بارلىق رەفورمالارىنىڭ نەگىزگى باسىمدىقتارى ءبىرىنشى كەزەكتە ادامداردىڭ قۇقىقتارىن ساقتاۋ مەن قورعاۋدى, سوتتالعانداردىڭ جاعدايىن جاقسارتاۋدى, پەنيتەنتسيارلىق ينفراقۇرىلىمدى جاڭعىرتۋدى ايقىندادى», دەدى ءباسپاسوز وكىلى ءىىم اپتالىق بريفينگىندە.