قاراعاندى وبلىسىنداعى «قازاقمىس» كورپوراتسياسىنىڭ قىزمەتكەرىنە «تسەزي-137» جارىلعىش زاتىن ساتۋعا ارەكەتتەندى دەگەن ايىپ تاعىلدى. بۇل تۋرالى «استانا» تەلەارناسى حابارلادى.
تەرگەۋ ماتەريالدارى بويىنشا, كاسىپورىننىڭ اعا ينجەنەرى وسىدان 20 جىل بۇرىن ۋلى كاپسۋلانى قولدى ەتكەن. كەيىن باعاسى كوتەرىلگەنىن كۇتىپ, ساۋداعا شىعارعان كورىنەدى. ول «تسەزي-137» جارىلعىش زاتىن جەزقازعان قالاسىنداعى تانىستارىنا ساتۋعا بەرگەن. ال ولار الاتىن ادامداردى ىزدەستىرۋ ساتىندە ۇلتتىق قاۋىپسىزدىك كوميتەتى قىزمەتكەرىنىڭ قولىنا تۇسەدى. «ساتىپ الۋشى» كۇدىكتىگە 250 مىڭ دوللار ۇسىنىپتى. الىس-بەرىس كەزىندە ساتۋشى تۇتقىندالدى. ىزىنشە اعا ينجەنەردىڭ ءوزى دە قولعا ءتۇستى. قازىر ۇرلىققا قاتىسى بار ءتورت ادامنىڭ ۇستىنەن قىلمىستىق ءىس قوزعالدى. ايتا كەتەيىك, «تسەزي-137» مەديتسينا, عارىش جانە يادرولىق ەنەرگەتيكادا قولدانىلاتىن راديواكتيۆتى زات. قاۋىپسىزدىك تالاپتارىن قاتاڭ ساقتاماسا, ول اسا قاۋىپتى. قورشاعان ورتانى لاستاپ, ءتىپتى ادام ولىمىنە اكەلۋى مۇمكىن. «تسەزيدىڭ» اۋاعا تارالۋى چەرنوبىل اپاتى كەزىندە تىركەلدى. قاۋىپتى زاتتى زاڭسىز ساقتاعان جانە ساۋدالاۋعا ارەكەتتەنگەن كۇدىكتىلەر التى جىلعا سوتتالۋى مۇمكىن.
«ايىپتالۋشىلاردىڭ ءبىرى «قازاقمىس» كورپوراتسياسىندا جەتەكشى ينجەنەر بولىپ قىزمەت ىستەگەن. ول «تسەزي» كاپسۋلاسىن 1991 جىلدان بەرى ساقتاپ كەلگەن. سودان سوڭ ونى سىبايلاستارىنا تاپسىرادى. قازىرگى تاڭدا تەرگەۋ امالدارى جۇرگىزىلۋدە», - دەيدى قازىبەك بي اۋداندىق سوتىنىڭ ءباسپاسوز حاتشىسى ءاليا جوشەۆا.
باقىتبەك كەنەش ۇلى.
دەرەككوز: «استانا» تەلەارناسى
فوتو: Chemistry – chemists. com.