كەشە پرەمەر-مينيستر سەرىك احمەتوۆ مەملەكەت باسشىسىنىڭ ۇكىمەتتىڭ 2013 جىلعى 11 قازانداعى كەڭەيتىلگەن وتىرىسىندا بەرگەن تاپسىرمالارىن جۇزەگە اسىرۋ ماسەلەلەرى بويىنشا كەڭەس وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەشە پرەمەر-مينيستر سەرىك احمەتوۆ مەملەكەت باسشىسىنىڭ ۇكىمەتتىڭ 2013 جىلعى 11 قازانداعى كەڭەيتىلگەن وتىرىسىندا بەرگەن تاپسىرمالارىن جۇزەگە اسىرۋ ماسەلەلەرى بويىنشا كەڭەس وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.
ەكونوميكا جانە بيۋدجەتتىك جوسپارلاۋ ءمينيسترى ەربولات دوساەۆ حابارلاعانداي, 2013 جىلى ءىس-شارالار جوسپارىنىڭ بەلگىلەنگەن بارلىق پۋنكتتەرى مەرزىمىندە ورىندالعان. ول سونداي-اق, كولەڭكەلى ەكونوميكاعا قارسى ءىس-قيمىل جاساۋدىڭ كەشەندى جوسپارىن تولىقتىرۋ جونىندە حابارلاپ, مەملەكەتتىك باسقارۋدىڭ دەڭگەيلەرى اراسىنداعى وكىلەتتىكتەردى ودان ءارى شەكتەۋ, جەكەشەلەندىرۋدىڭ ەكىنشى تولقىنى شەڭبەرىندە كاسىپورىندار مەن نىساندار سانىن ۇلعايتۋ, مەملەكەت-جەكەمەنشىك ارىپتەستىگى جوبالارىنا دامۋ ينستيتۋتتارىنىڭ, زەينەتاقى قورلارىنىڭ, قارجى ۇيىمدارىنىڭ قارجىلارىن تارتۋ ماسەلەلەرى بويىنشا ءوز ۇسىنىستارىن ورتاعا سالدى.
سول سياقتى كەڭەستە جۇزەگە اسىرىلعان ءىس-شارالار بويىنشا مەملەكەتتىك ورگاندار باسشىلارىنىڭ ەسەپتەرى تىڭدالدى.
مەملەكەت باسشىسىنىڭ بارلىق تاپسىرمالارى ساپالى جانە ۋاقىتىندا ورىندالۋى ءتيىس. بۇل جەردە فورمالدىلىققا جول بەرۋگە بولمايدى. سوندىقتان ءاربىر مەملەكەتتىك ورگان, ءاربىر باسشى بارلىق تاپسىرمالاردىڭ جۇزەگە اسۋ تەتىكتەرىن تاعى ءبىر رەت قاراپ شىعۋى كەرەك. ءبىز بۇل ماسەلەلەردى تۇراقتى نەگىزدە قاراپ تۇرۋدى ودان ءارى دە جالعاستىرا بەرەتىن بولامىز, دەپ تۇيىندەدى ءسوزىن س.احمەتوۆ.