قازاقستان بويىنشا 24-26 شىلدەگە ارنالعان اۋا رايى بولجامى جاريالاندى, دەپ حابارلايدى Egemen.kz.
«اتموسفەرالىق فرونتتاردىڭ وتۋىنە بايلانىستى ەلىمىزدىڭ سولتۇستىك ايماقتارىندا جاڭبىر جاۋادى. 24 شىلدەدە باتىستا, 24-25 شىلدەدە سولتۇستىك-باتىستا, 25-26 شىلدەدە ەلدىڭ سولتۇستىگىندە قاتتى جاڭبىر جاۋىپ, نايزاعاي ويناپ, ەكپىندى جەل سوعادى, بۇرشاق جاۋى ىقتيمال. وڭتۇستىك جانە وڭتۇستىك-باتىستا جاۋىن-شاشىنسىز ىستىق اۋا رايى كۇتىلەدى», دەلىنگەن «قازگيدرومەت» حابارلاماسىندا.
اۋا تەمپەراتۋراسى كۇندىز وڭتۇستىكتە, وڭتۇستىك-باتىستا 38-46 گرادۋسقا دەيىن, وڭتۇستىك-شىعىستا, شىعىستا جانە ورتالىقتا 38-42 گرادۋسقا دەيىن كوتەرىلۋى بولجانۋدا, سولتۇستىكتە تەمپەراتۋرانىڭ 32-40 گرادۋستان 20-30 گرادۋسقا دەيىن بىرتىندەپ تومەندەۋى بايقالادى.