جولعا جاۋاپتى مەكەمەلەر دايارلىقتى كۇشەيتتى

پاۆلودار وبلىسىندا قارلى بۇرقاسىننىڭ باستالعانىنا ەكىن­شى تاۋلىك بولدى. وسىعان وراي كوممۋنالدىق سالا مەكەمەلەرى كۇشەيتىلگەن دايىندىققا كوش­تى.

پاۆلودار وبلىسىندا قارلى بۇرقاسىننىڭ باستالعانىنا ەكىن­شى تاۋلىك بولدى. وسىعان وراي كوممۋنالدىق سالا مەكەمەلەرى كۇشەيتىلگەن دايىندىققا كوش­تى. حالىقارالىق ماڭىزى بار جولدار قاردان تازارتىلىپ, كولىكتەردىڭ جۇرۋىنە مۇمكىندىك جاسالدى. ازىرگە جىل باسىنان بەرى جولعا قاتىستى وقىس وقيعا تىركەلگەن جوق. «قازىر جەكەلەگەن ايماقتاردا جەل تۇرىپ, ونىڭ ارتى قارلى بۇرقاسىنعا ۇلاسۋدا. ءبىزدىڭ ايماق تا وسىنداي جاعدايدى باس­تان كەشىپ وتىر. جەكەلەگەن تەحنيكالاردىڭ ەسكىرگەنىنە قارا­ماستان, رەس­پۋب­ليكالىق ماڭىزى بار 141 شاقىرىم جولدىڭ قاۋىپسىزدىگىن قاتاڭ باقىلاۋعا الدىق», دەيدى پاۆلودار وبلىسى بويىنشا جول­دار­عا قىزمەت كورسەتۋ ءبولىمىنىڭ جەتەك­شىسى سەرگەي وماروۆ.

اۋا رايىن بولجايتىن ماماندار وسى اپتانىڭ اياعىنا دەيىن جەكەلەگەن وبلىستاردا بۇرقاسىن بولۋى ىقتيمال ەكەنىن ايتۋدا. سونىڭ ىشىندە جوعارىدا اتالعان ءوڭىر دە بار. بىراق, وسىنداعى ما­ماندار جولاۋشىلار ءۇشىن قاۋىپسىزدىك شارالارىن قاتاڭ باقى­لاۋدا ۇستايتىنىنا سەنىم ءبىلدىرىپ وتىر.

دانيار تۇيمەباي.