الماتىدا ىندەت ءورشىپ بارادى: اۋرۋحانالاردا توسەك-ورىندار كوبەيتىلدى

باستى ماقسات – ينفەكتسيانىڭ تارالۋىنا قارسى كۇرەستىڭ قوسىمشا شارالارىن قابىلداۋ جانە مۋتاتسيالانعان COVID-19 شتاممىنىڭ اينالىمىن ەسكەرە وتىرىپ, مەديتسينالىق قىزمەتكە مۇقتاج پاتسيەنتتەر سانىنىڭ ارتۋىنا وراي دەنساۋلىق ساقتاۋ جۇيەسى ينفراقۇرىلىمىنىڭ دايىندىعىن قامتاماسىز ەتۋ. بۇگىندە الماتىدا 86 مىڭنان استام ادامنىڭ كۆي جۇقتىرعانى ايان, ونىڭ ىشىندە سوڭعى تاۋلىكتە تىركەلگەندەر سانى - 993 جاعداي. سونىمەن بىرگە, تاۋلىك سايىن 400-دەن استام ناۋقاس اۋرۋحاناعا جاتقىزىلۋدا, بۇل ەمدەلىپ شىققاندار سانىنان 2 ەسە كوپ. COVID-19-پەن 3099 پاتسيەنت ستاتسيونارلىق ەمدەلىپ جاتىر, ال رەانيماتسيا مەن ينتەنسيۆتى تەراپيادا 228 ناۋقاس بار. اكىمنىڭ ورىنباسارى ەرجان باباقۇماروۆ شىلدە ايىنىڭ باسىنان بەرى رەانيماتسيا بولىمىندە جاتقان ناۋقاستار سانىنىڭ ءۇش ەسەگە ارتقانىن, ءۇي كارانتينىندەگى پاتسيەنتتەردىڭ ديناميكاسى (5821 ناۋقاس) وتكەن ايدا 6 ەسەگە وسكەنىن اتاپ ءوتتى. بارلىق ينفەكتسيالىق ستاتسيونارلاردا توسەك ورىنداردىڭ جۇكتەمەسى 50%-دان اسادى. سوندىقتان تامىز-قىركۇيەك ايلارىنا ارنالعان بولجامدى جاعدايلاردى جانە قالاداعى اۋرۋلاردىڭ قارقىنى مەن دەڭگەيىن ەسكەرە وتىرىپ, قالادا رەزەرۆتىك ينفەكتسيالىق توسەكتەرگە قاجەتتىلىكتى انىقتاۋ تاپسىرىلدى (قولدانىستا 6 090 توسەك-ورىن بار) جانە ولاردى پايدالانۋدى باستاۋ قاجەت. سونىمەن بىرگە, كادر رەزەرۆىن قامتاماسىز ەتۋ جانە ولاردى كوۆيدتى تەراپياعا ۇيرەتۋ, ۆاكتسيناتسيا تولقۇجاتتارىنىڭ قولدان جاسالۋىمەن كۇرەسۋ جانە الدىن-الۋ بويىنشا نۇسقاۋلار بەرىلدى. كوروناۆيرۋس ينفەكتسياسىنىڭ تارالۋىنىڭ الدىن الۋ جونىندەگى قالالىق شتاب الماتىلىقتاردى قورعانىس شارالارىن – بەتپەردە رەجيمىن, الەۋمەتتىك قاشىقتىقتى قاتاڭ ساقتاۋعا, ادامدار كوپ جينالاتىن ورىندارعا بارماۋعا, سونىمەن قاتار ۆاكتسينالانۋ ماسەلەسىن كەيىنگە قالدىرماۋعا شاقىرادى, ويتكەنى بۇل ينفەكتسيادان قورعاۋدىڭ جالعىز ءادىسى.