ەلوردادا 14 پەن 29 جاس ارالىعىنداعى جاستارعا ارنالعان «Brain games» زياتكەرلىك ويىندار جوباسى ىسكە قوسىلدى. بۇل تۋرالى بريفينگتە نۇر-سۇلتان قالاسىنىڭ ىشكى ساياسات ءبولىمىنىڭ باستىعى داۋرەن بابامۇراتوۆ مالىمدەدى, دەپ جازادى Egemen.kz.
«نۇر-سۇلتان قالاسىنىڭ اكىمدىگى تاۋەلسىزدىكتىڭ 30 جىلدىعىن مەرەكەلەۋ اياسىندا جاستاردىڭ باسەكەگە قابىلەتتىلىگىن ارتتىرۋعا باعىتتالعان بىرقاتار شارالاردى جۇزەگە اسىردى. وسى ماقساتتا 14 پەن 29 جاس ارالىعىنداعى جاستارعا ارنالعان «Brain games» زياتكەرلىك ويىندار جوباسى باستالدى. ول جىل سوڭىنا دەيىن جالعاسادى», دەدى داۋرەن بابامۇراتوۆ.
ونىڭ ايتۋىنشا, جاستار اراسىندا «نە؟ قايدا؟ قاشان؟» حالىقارالىق ينتەللەكتۋالدى ويىنى ۇيىمداستىرىلعان. ويىنعا نۇر-سۇلتان قالاسىنداعى «79 مەكتەپ-ليتسەيى» كمم مەن ماسكەۋ قالاسىنىڭ №705 مەكتەبىنىڭ كوماندالارى قاتىستى.