ءماجىلىس توراعاسى نۇرلان نىعماتۋلين كورەيا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى پەك چۋ حيوندى قابىلدادى, دەپ حابارلادى وسى پالاتانىڭ ءباسپاسوز قىزمەتى.
ءماجىلىس توراعاسى نۇرلان نىعماتۋلين كورەيا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى پەك چۋ حيوندى قابىلدادى, دەپ حابارلادى وسى پالاتانىڭ ءباسپاسوز قىزمەتى.
كەزدەسۋ بارىسىندا تاراپتار قوس ەلدىڭ پرەزيدەنتتەرى نۇرسۇلتان نازارباەۆ پەن پاك كىن حەنىڭ ەكى مەملەكەت اراسىنداعى ىنتىماقتاستىقتى نىعايتۋداعى ايرىقشا ۇلەستەرىن العا تارتا وتىرىپ, قازاقستان مەن كورەيا قارىم-قاتىناسىنىڭ ستراتەگيالىق ماڭىزىنا نازار اۋداردى. ودان ءارى پارلامەنتارالىق ءوزارا ءىس-قيمىل تاقىرىبى ءسوز بولىپ, نۇرلان نىعماتۋلين ونىڭ مەملەكەت باسشىلارىنىڭ كەلىسىمدەرىن ءتيىمدى جۇزەگە اسىرۋعا ىقپال ەتەتىنىن اتاپ ايتتى.
ءوز كەزەگىندە پەك چۋ حيون ءبىزدىڭ ەلىمىزدىڭ ەكونوميكالىق قارقىنىن جوعارى باعالادى. قازاقستان مەن كورەيا اراسىنداعى تاۋار اينالىمى وتكەن جىلدىڭ 9 ايى ىشىندە 1 ملرد. اقش دوللارىن قۇرادى. بۇگىنگى كۇنى ءبىزدىڭ ەلىمىزدە وڭتۇستىككورەيالىق كاپيتالدىڭ قاتىسۋىمەن 700 بىرلەسكەن كاسىپورىن جۇمىس ىستەيدى. ەلشىنىڭ ايتۋىنشا, قازاقستان پرەزيدەنتى نۇرسۇلتان نازارباەۆتىڭ ارقاسىندا قازاقستان ۇلتارالىق جانە كونفەسسياارالىق كەلىسىمنىڭ جارقىن ۇلگىسى بولىپ تابىلادى. بۇل بۇكىل الەمدە وتە جوعارى باعالانادى.
نۇرلان نىعماتۋلين كورەيا تاراپىنىڭ ازياداعى ءوزارا ءىس-قيمىل جانە سەنىم شارالارى جونىندەگى كەڭەس, الەمدىك جانە ءداستۇرلى دىندەر كوشباسشىلارىنىڭ سەزدەرى, سونداي-اق, يادرولىق قارۋسىزدانۋ جانە تاراتپاۋ جونىندەگى فورۋم جۇمىستارىنا بەلسەنە قاتىسۋى ەكى ەل ءۇشىن دە زور ماڭىزعا يە ەكەندىگىن اتاپ كورسەتتى.
كەزدەسۋ بارىسىندا ءماجىلىس توراعاسى وڭتۇستىك كورەيانىڭ حالىقارالىق كورمە وتكىزۋدەگى وزىندىك تاجىريبەسى مەن تابىسىن ەسكە الا وتىرىپ, اتالعان ەلدىڭ كومپانيا وكىلدەرىن ەكسپو-2017 كورمەسىنىڭ دايىندىق جۇمىستارىنا قاتىسۋعا شاقىردى.
كەزدەسۋ يەلەرى ەكى ەل قارىم-قاتىناسىن, سونىڭ ىشىندە, پارلامەنتارالىق بايلانىستاردى ودان ءارى نىعايتۋعا مۇمكىندىكتەر جەتكىلىكتى ەكەنىن ءبىلدىردى.