شىعىس قازاقستانداعى ريددەر قالاسىندا ءۇيى ورتەنىپ كەتكەن 11 وتباسىنا جاڭا باسپانا بەرىلدى. بۇل تۋرالى وبلىس اكىمىنىڭ ءباسپاسوز قىزمەتى حابارلادى, دەپ جازادى Egemen.kz.
ەكى اي بۇرىن ريددەردە ءورت شىعىپ, 30-دان استام ءۇي جانىپ كەتكەن بولاتىن. سولاي باسپاناسىنان ايىرىلعان 11 وتباسىعا جاڭا ءۇيدىڭ كىلتى تابىس ەتىلدى. قالعان 20 جانۇيا جاقىن ۋاقىتتا ءۇيلى بولادى.
شقو اكىمىنىڭ ورىنباسارى ازامات مۇحامەدشينوۆتىڭ ايتۋىنشا, ءۇي ساپاسى ءوڭىر كليماتىن ەسكەرە وتىرىپ سالىنعان. قۇرىلىس بارىسىن مەملەكەتتىك كوميسسيا مەن تۇرعىندار بىرگە باقىلادى. ىقشام اۋداندى اباتتاندىرۋ ماسەلەسى دە قاراستىرىلىپ جاتىر.