مەملەكەت باسشىسى قاسىم-جومارت توقاەۆ بەلگىلى كارديوحيرۋرگ سەرىك بەكبوسىنوۆتىڭ وتباسى مەن جاقىن تۋىستارىنا كوڭىل ايتتى. بۇل تۋرالى قر پرەزيدەنتىنىڭ ءباسپاسوز حاتشىسى بەرىك ءۋالي جەلىدەگى پاراقشاسىندا جازدى, دەپ حابارلايدى Egemen.kz.
«سەرىك تەمىرحان ۇلى ۇلتتىق عىلىمي كارديوحيرۋرگيا ورتالىعىندا قىزمەت ەتىپ, جۇرەك-قان تامىرلارى حيرۋرگياسى سالاسىنداعى ۇزدىك مامانداردىڭ ءبىرى اتاندى. جۇرەككە وتا جاساعان الەمدەگى ەڭ جاس كارديوحيرۋرگ رەتىندە ەڭبەگى جوعارى باعالاندى. كوپتەگەن ادامنىڭ ءومىرىن امان الىپ قالدى.
وتانىمىزعا ادال ەڭبەك ەتىپ, ءوز ءىسىنىڭ بىلگىر مامانى رەتىندە سوڭىنا وشپەس ءىز قالدىرعان سەرىك تەمىرحان ۇلىنىڭ جارقىن بەينەسى ۇمىتىلمايدى», دەلىنگەن جەدەلحاتتا.