قر ەڭبەك جانە حالىقتى الەۋمەتتىك قورعاۋ مينيسترلىگى بۇۇ بالالار قورىمەن (يۋنيسەف) بىرلەسە وتىرىپ, سST باعدارلاماسى بويىنشا دامۋىندا ەرەكشەلىگى بار بالالارعا كۇتىم جاساۋ داعدىلارىنا اتا-انالاردى وقىتۋ ءۇشىن جاتتىقتىرۋشىلاردى دايارلاۋدى باستادى, دەپ حابارلايدى Egemen.kz.
بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى مالىمدەدى.
شىمكەنتتە 14 ادامنان تۇراتىن بولاشاق جاتتىقتىرۋشىلاردىڭ ءبىرىنشى توبىن وقىتۋ 19-23 شىلدە ارالىعىندا وتەدى.
قاجەتتى ءبىلىم مەن داعدىلاردى يگەرگەننەن كەيىن, ولار 56 بالامەن وتباسىلارىمەن قوسا اينالىسادى. وقۋ كۋرسىنا ماتەريالداردى بەيىمدەۋ, جاتتىقتىرۋشىلاردى دايارلاۋ, ماماندار مەن اتا-انالاردى وقىتۋ كىرەدى. سونداي-اق دامۋىندا كىدىرىسى بار, ونىڭ ىشىندە اۋتيستىك سپەكتردىڭ بۇزىلۋى بايقالاتىن 2-9 جاستاعى بالالاردى كۇتىپ-باعۋمەن اينالىسادى.
كۋرس ماقساتى – اتا-انا مەن بالانىڭ وڭتايلى ءوزارا ءىس-قيمىلىن دامىتۋ, ولاردىڭ اراسىنداعى قارىم-قاتىناستى نىعايتۋ, بەيىمدەلۋ داعدىلارىن دامىتۋ. مۇنىمەن قاتار, جوبا جۇيكەگە سالماق تۇسەتىن كەزدەردى باسقارۋ داعدىلارىن دامىتۋدى كوزدەيدى.
ەستەرىڭىزگە سالا كەتەيىك, CST – بۇل دۇنيەجۇزىلىك دەنساۋلىق ساقتاۋ ۇيىمىنىڭ اتا-انالارعا دامۋى كەش نەمەسە دامۋى ارتتا قالعان بالالارعا كۇتىم جاساۋ داعدىلارىن ۇيرەتۋگە ارنالعان باعدارلاماسى. وندا مىنەز-ق ۇلىقتى قولدانبالى تالداۋ, دامۋ تۋرالى عىلىم, الەۋمەتتىك كوممۋنيكاتسيا ءىس-شارالارى, وڭ تاربيە جانە وزىنە-ءوزى قىزمەت كورسەتۋ ادىستەرى قاعيداتتارى قولدانىلادى.
سونىمەن قاتار ناقتى جاعدايدا نە ىستەۋ كەرەك, جاقىن بولاشاقتا قانداي مىندەتتەر مەجەلەگەن ابزال دەگەن سەكىلدى ەرەسەك تاراپ پەن بالانىڭ ءوزارا ارەكەتتەسۋىنىڭ قادامدىق ستراتەگيالارى بار.