اتىراۋدا ۆەلوسيپەد ۇرلاعان جىگىت قاماۋعا الىندى

وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا سۇيەنسەك, 12-16 شىلدەدە «ۆەلوسيپەد» جەدەل-پروفيلاكتيكالىق ءىس-شاراسى وتكەن.

ء«ىس-شارا كەزىندە اتىراۋ قالالىق پوليتسيا باسقارماسى №1 پوليتسيا ءبولىمىنىڭ جەدەل ۋاكىلدەرى كوپقاباتتى ۇيلەردىڭ كىرەبەرىسىنەن بىرنەشە مارتە ۆەلوسيپەد ۇرلاعان 26 جاستاعى جىگىتتى ۇستادى. كۇدىكتىدەن ايعاق زاتتار تاركىلەنىپ, 11 قىلمىستىق ءىس تىركەلدى. ول ۋاقىتشا ۇستاۋ يزولياتورىنا قامالدى», دەپ حابارلادى دەپارتامەنتتىڭ ءباسپاسوز قىزمەتى.

قازىر 26 جاستاعى جىگىتكە قاتىستى قر قىلمىستىق كودەكسىنىڭ 188-بابىنىڭ 3-بولىگى, 2-تارماعىمەن سوتقا دەيىنگى تەرگەۋ باستالدى.