الماتى قالاسى "قالقامان" ىقشام اۋدانىندا 500-گە جۋىق وتباسى جىلۋسىز وتىر. تۇرعىنداردىڭ ايتۋىنشا, ەكى اپتادان بەرى ۇيلەرىنە تارتىلعان كوگىلدىر وتىننىڭ كۇشى تومەندەپ, جاڭا جىلدى دا جىلۋسىز قارسى العان. بۇل تۋرالى «31 ارنا» حابارلادى.
قاڭتاردىڭ قارا سۋىعى قىسقان قاراشا حالىق, تۇساۋى تاياۋدا عانا كەسىلگەن كوگىلدىر وتىننان قايىر بولماي تۇر دەپ قاپالى. پاتەرلەرىندە قالىڭ كيىمدەرىن كيىپ, قىمتانعان حالىق, گاز بەرەتىن مەكەمەدەن گورى, جەرگىلىكتى اكىمدىكتىڭ قايىرىمىنان دامەلى. جالپى, ەكى اپتادان بەرى ازىناعان ۇيلەردە وتىرعان تۇرعىندار ءۇيدىڭ ءىشى مەن دالانىڭ تەمپەراتۋراسى تەڭدەي دەيدى.
تەلەارنا ءتىلشىسىنىڭ ايتۋىنشا, تۇرعىندار "الماتىگاز" مەكەمەسىنە بىرنەشە رەت بارعان. بىراق, ولاردىڭ وتىنىشىنە ەشكىم قۇلاق اسپاعان سەكىلدى. سوندىقتان اۋدان اكىمدىگىنە ءۇمىت ارتىپ وتىر. ال بۇقارالىق اقپارات قۇرالدارى وكىلدەرى وسى ماسەلە بويىنشا اۋدان اكىمدىگىندەگى جاۋاپتى قىزمەتكەرلەرمەن تىلدەسپەك بولعانىندا, ولار جاۋاپ بەرۋدەن باس تارتىپتى. بىزگە كەلىپ تۇسكەن سوڭعى اقپاراتتا تۇرعىنداردىڭ سۋىق ۇيدە وتىرعانى ازداي, جارىقتارىنىڭ دا ءسونىپ قالعانى تۋرالى جازىلعان.
باقىتبەك كەنەش ۇلى.
دەرەككوز: «31 ارنا»
فوتو: «31 ارنا».