قر دسم سانيتارلىق-ەپيدەميولوگيالىق باقىلاۋ كوميتەتىنىڭ رەسمي وكىلى ەرجان بايتاناەۆ AstraZeneca ۆاكتسيناسىن قازاقستانعا جەتكىزۋ ماسەلەسى جونىندە پىكىر ءبىلدىردى, دەپ حابارلايدى Egemen.kz.
ونىڭ ايتۋىنشا, AstraZeneca ۆاكتسيناسى بويىنشا باسقا ەلدەردە كەمشىلىكتەر مەن كۇمان انىقتالا باستاعاندىقتان, ونى جەتكىزۋ بويىنشا كەلىسسوزدەر توقتاتىلعان.
ء«بىز كوروناۆيرۋسقا قارسى ۆاكتسينا شىعاراتىن بارلىق ەلدەرمەن كەلىسسوزدەر جۇرگىزىپ جاتقانىمىزدى ايتتىق. AstraZeneca ۆاكتسيناسىن جەتكىزۋ بويىنشا دا كەلىسسوزدەر جۇرگىزىلدى. سودان كەيىن ۋاقىتشا توقتادىق, بىراق قازىر كەلىسسوزدەردى قايتا باستاۋعا, كلينيكالىق زەرتتەۋلەردىڭ ناتيجەلەرىن كورۋگە دايىنبىز, ويتكەنى بىزدە بۇل ۆاكتسيناعا قىزىعۋشىلىق بار. بىراق بۇل كەلىسىمگە قول قويىلدى جانە كۇنى ەرتەڭ AstraZeneca ءبىزدىڭ ەلدە بولادى دەگەندى بىلدىرمەيدى. بۇل اڭگىمە بارلىق ناتيجەلەردى زەرتتەپ, مۇقيات تەكسەرگەننەن كەيىن عانا باستالادى»,
دەدى ەرجان بايتاناەۆ ورتالىق كوممۋنيكاتسيالار قىزمەتىندە وتكەن بريفينگتە.