تاشكەنتتە ورتالىق ازيا ەلدەرىنىڭ سىرتقى ساياسي ۆەدومستۆو باسشىلارىنىڭ بەيرەسمي كەزدەسۋى ءوتتى, دەپ جازادى Egemen.kz قر سىرتقى ىستەر مينيسترلىگىنىڭ ءباسپاسوز قىزمەتىنە سىلتەمە جاساپ.
ءىس-شاراعا قازاقستان رەسپۋبليكاسى پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى, تاجىكستان رەسپۋبليكاسىنىڭ سىرتقى ىستەر ءمينيسترى سيرودجيددين مۋحريددين, تۇرىكمەنستان مينيسترلەر كابينەتى توراعاسىنىڭ ورىنباسارى - سىرتقى ىستەر ءمينيسترى راشيد مەرەدوۆ, وزبەكستان رەسپۋبليكاسىنىڭ سىرتقى ىستەر ءمينيسترى ابدۋلازيز كاميلوۆ جانە قىرعىز رەسپۋبليكاسى سىرتقى ىستەر ءمينيسترىنىڭ ءبىرىنشى ورىنباسارى نۋران نيازاليەۆ قاتىستى.
تاراپتار 6 تامىزدا تۇرىكمەنستاندا وتەتىن ورتالىق ازيا مەملەكەتتەرى باسشىلارىنىڭ كونسۋلتاتيۆتىك كەزدەسۋىنە دايىندىقتى تالقىلادى. ءىس-شارانىڭ كۇن ءتارتىبى, سونداي-اق ءسامميتتىڭ قورىتىندى قۇجاتتارى مەن باعدارلاماسى بويىنشا پىكىر الماستى.