نۇر-سۇلتان قالاسىنىڭ اكىمى التاي كولگىنوۆ Instagram پاراقشاسىندا قالا تۇرعىندارىن سانيتارلىق نورمالاردى ساقتاۋعا, الەۋمەتتىك جانە ازاماتتىق جاۋاپكەرشىلىك تانىتۋعا شاقىردى, دەپ حابارلايدى Egemen.kz.
ەلوردا اكىمىنىڭ جازۋىنشا, قالاداعى ەپيدەميولوگيالىق جاعداي ءالى دە كۇردەلى. وتكەن تاۋلىكتە مىڭنان استام ادامنان كوروناۆيرۋس ينفەكتسياسى انىقتالدى. دارىگەرلەردىڭ ايتۋىنشا, ناۋقاس سانىنىڭ وسۋىنە وتكەن دەمالىس كۇندەرى ايرىقشا اسەر ەتكەن. ياعني قالا تۇرعىندارىنىڭ تابيعات اياسىندا ساۋىق قۇرىپ, سۋعا ءتۇسۋى ينفەكتسيا جۇقتىرعانداردىڭ ارتۋىنا سەبەپ بولعان.
«قالا تۇرعىندارىن ادام كوپ جينالاتىن ورىندارعا بارماۋعا شاقىرامىن. بوتەن ادامدارمەن, كوپشىلىكپەن قارىم-قاتىناستى, سول سياقتى قوناققا بارۋدى توقتاتۋى قاجەت. قازىر الەۋمەتتىك جانە ازاماتتىق جاۋاپكەرشىلىك تانىتاتىن ۋاقىت. بۇل اسىرەسە بيزنەس نىساندارىنا دا قاتىستى. كوروناۆيرۋستىڭ جاڭا ءتۇرى – «دەلتا» شتامى ء(ۇندى دەپ تە اتالادى) نەعۇرلىم جۇقپالى, قىسقا ينكۋباتسيالىق كەزەڭدە جۇرەتىنىن جانە اۋىر كۇيدە وتەتىنىن ەستە ۇستاعان ءجون.
ينفەكتسيا جۇقتىرعاندار سانىنىڭ ءوسۋىن, ونىڭ ىشىندە اۋىر حالدەگى ناۋقاستاردى ەسكەرە وتىرىپ, مەديتسينالىق مەكەمەلەردى بىرىنەن سوڭ ءبىرىن كوۆيدتىك اۋرۋحانالارعا اينالدىرىپ جاتىرمىز. مەديتسينالىق مەكەمەلەردە 100 ۆاكتسيناتسيا پۋنكتى جۇمىس ىستەپ تۇر. قالا تۇرعىندارىنا ىڭعايلى بولۋ ءۇشىن بىرقاتار ساۋدا ءۇيى مەن سوو-دا ۆاكتسيناتسيا پۋنكتتەرى اشىلدى.
بۇگىن ۆاكتسيناتسيا پۋنكتتەرىنىڭ بىرىنە باردىم. ۆاكتسينا الۋ ءۇشىن بارلىق جاعداي جاسالعان. ال ەڭبەك ۇجىمدارىن ۆاكتسيناتسيالاۋ ءۇشىن مەديتسينالىق بريگادالار اتتانادى.
الدىمىزدا وقۋ جىلى كەلە جاتىر. وقىتۋدىڭ بۇرىنعى فورماتىنا – وفلاين رەجيمگە ورالۋ ءۇشىن ۇجىمدىق يممۋنيتەتتى دامىتۋ قاجەت. ۇجىمدىق يممۋنيتەت وزگە دە كاسىپورىندارعا ۇزدىكسىز جۇمىس ىستەۋگە مۇمكىندىك بەرەدى.
قازىرگى ۋاقىتتا ۆاكتسينانىڭ ءبىرىنشى كومپونەنتىن 300 مىڭنان استام قالا تۇرعىنى الدى.
ۆاكتسيناتسيا – ءوزىڭىزدىڭ دەنساۋلىعىڭىزدى, سونداي-اق جاقىندارىڭىز بەن اينالاڭىزداعى ادامداردىڭ دەنساۋلىعىن قورعاۋدىڭ جالعىز ءادىسى.
ءوزىڭىزدى جانە جاقىندارىڭىزدى قورعاڭىز!», دەپ جازدى ەلوردا اكىمى ا.كولگىنوۆ.