دەنساۋلىق ساقتاۋ ءمينيسترى الەكسەي تسوي قازاقستانداعى ەپيدەميولوگيالىق جاعدايعا بايلانىستى بولجامىن فەيسبۋك پاراقشاسىندا جاريالادى, دەپ حابارلايدى Egemen.kz.
«ەپيدەميولوگيالىق جاعدايدى (كۆي «دەلتا» شتامىنىڭ بەلسەندى تارالۋىن) جانە ۆاكتسينالاۋمەن قامتۋدى ەسكەرە وتىرىپ, مينيسترلىك ەپيدەميولوگيالىق جاعدايدىڭ بولجامىن جاڭارتتى. وسىلايشا, پەسسيميستىك ستسەناريدە 2021 جىلدىڭ شىلدە-قىركۇيەك ايلارىندا تىركەلگەن جاعدايلار سانى شامامەن 400 مىڭ ادام (ورتاشا ەسەپپەن تامىز ايىندا 6 مىڭ جاعدايدان جوعارى) بولماق», دەپ جازدى مينيستر facebook پاراقشاسىندا.
ونىڭ ايتۋىنشا, ەكىنشى رەاليستىك ستسەناري بويىنشا, 2021 جىلعى شىلدە-قىركۇيەكتە تىركەلگەن جاعدايلار بولجامدى سانى شامامەن 355 مىڭ ادام (ورتاشا ەسەپپەن تاۋلىگىنە تامىز ايىندا 5,3 مىڭ جاعدايدان جوعارى) بولماق. ال وپتيميستىك ستسەناري بويىنشا, 2021 جىلدىڭ شىلدە-قىركۇيەك ايلارىندا تىركەلگەن جاعدايلار سانى شامامەن 330 مىڭ ادام (ورتاشا ەسەپپەن تامىز ايىندا ەڭ جوعارى جاعداي – تاۋلىگىنە 5 مىڭعا جۋىق) بولۋى مۇمكىن.