Christie’s اۋكتسيونىندا لەوناردو دا ۆينچي سالعان ايۋ باسىنىڭ نوبايى ساتىلدى. ونى 8,9 ميلليون فۋنتقا (شامامەن 12,3 ملن اقش دوللارى) ساتىپ الدى. ايتا كەتەيىك, بۇل – يتاليان سۋرەتشىسىنىڭ تۋىندىسى ءۇشىن رەكوردتى قارجى.
«سۋرەت – لەوناردو دا ءۆينچيدىڭ سىزباشى رەتىندەگى شەبەرلىگىنىڭ كەرەمەت دالەلى», دەلىنگەن اۋكتسيون ءۇيىنىڭ Twitter-دەگى حابارلاماسىندا. نوباي – قىزعىلت-اقشىل سارى قاعازعا كۇمىس قارىنداشپەن سالىنعان 7x7 سم ولشەمدى سۋرەت. ول 1480 جىلداردىڭ ءبىرىنشى جارتىسىندا سالىنعان. بۇل – سۋرەتشىنىڭ قولتاڭباسى بار بىرنەشە تۋىندىلارىنىڭ ءبىرى. ساتىپ الۋشىنىڭ ەسىمى جاريالانعان جوق. ال بۇدان بۇرىنعى رەكورد لەوناردو دا ءۆينچيدىڭ «جىلقى مەن سالت اتتى» تۋىندىسى ءۇشىن ورناتىلعان ەدى. ونىڭ قۇنى £8,1 ميلليونعا باعا-لاندى.