قازاقستاننىڭ دامۋ بانكى «ينۆەستورلارمەن بايلانىستا ۇزدىك بانك» نوميناتسياسى بويىنشا The Global Economics Awards-2021 بەدەلدى حالىقارالىق سىيلىعىنىڭ لاۋرەاتى اتاندى. بۇل تۋرالى بانكتىڭ ءباسپاسوز قىزمەتى حابارلادى, دەپ جازادى Egemen.kz.
«قدب باسقارما توراعاسى اباي سارقۇلوۆ قارجىلىق دامۋ ينستيتۋتىن باسقارۋ سالاسىنداعى جارقىن جەتىستىكتەرى ءۇشىن «بانكتىڭ ۇزدىك توراعاسى» اتاعىنا يە بولدى. بانكتىڭ ەكى نوميناتسياداعى جەڭىسى – تيىمدىلىك پەن حالىقارالىق ارىپتەستەر مەن ساراپشىلاردىڭ ءوڭىر ەكونوميكاسىن دامىتۋعا قدب-نىڭ باعا جەتپەس ۇلەسىن مويىنداۋىنىڭ سيمۆولى», دەپ جازىلعان حابارلامادا.
ايتا كەتەيىك, The Global Economics Awards بايقاۋىن جىل سايىن بريتانيانىڭ جەتەكشى قارجىلىق Global Economics باسىلىمى وتكىزەدى.