«قازگيدرومەت» رمك 6-12 شىلدەدە اتموسفەرالىق اۋانىڭ ساپاسى تۋرالى اپتا سايىنعى اقپاراتتىق انىقتاماسىمەن ءبولىستى, دەپ حابارلايدى Egemen.kz.
انىقتاماعا سايكەس, جەزقازعان ەڭ لاستانعان قالا بولىپ تانىلدى. قالانىڭ م.جاليل كوشەسىندە اۋا لاستانۋىنىڭ شەكتى رۇقسات ەتىلگەن نورمالاردان اسىپ كەتۋدىڭ 432 جاعدايى تىركەلگەن.
ەكىنشى ورىنعا نۇر-سۇلتان قالاسى ورنالاسقان, وندا اۋانىڭ ەڭ لاس ايماعى تۇركىستان كوشەسى مەن رەسپۋبليكالىق فيزيكا-ماتەماتيكا مەكتەبىنىڭ ماڭى بولدى. نورمادان اسىپ كەتۋدىڭ 419 جاعدايى تىركەلدى.
الاتاۋ اۋدانى, Almaty Arena مۇز سارايى مەن مومىش ۇلى كوشەسىندە 274 جاعداي تىركەلگەن الماتى قالاسى دا ۇشتىككە كەرگەن.
ءتورتىنشى ورىندى يەمدەنگەن قاراعاندى قالاسىنداعى 3-ءشى كوچەگاركي (پريحشاحتينسك) اۋدانىندا 255 جاعداي تىركەلدى.
بەسىنشى ورىندا اقتوبە ورنالاسقان. رىسقۇلوۆ كوشەسى اۋدانىندا قالانىڭ اۋاسى ەڭ لاستانعان بولىپ شىقتى. وندا 34 جاعداي تىركەلگەن.