گايتي بيلىگى 63 جاستاعى امەريكالىق كريستيان ەممانيۋەل سانوندى تۇتقىنعا الدى. ول گايتي پرەزيدەنتى جوۆەنەل ءمويزدى ءولتىرۋ ماقساتىندا بىرنەشە كيللەر جالداعان دەگەن كۇدىككە ءىلىندى, دەپ حابارلايدى Egemen.kz.
«سانون گايتيگە ماۋسىم ايىنىڭ باسىندا ءوزىنىڭ جەكە ۇشاعىمەن ۇشىپ كەلگەن. جانىندا التى كولۋمبيالىق كۇزەتشىسى بولعان. ونىڭ ەلگە كەلۋدەگى «ساياسي ماقساتى» – توڭكەرىس جاساپ, پرەزيدەنتتىڭ ورنىن باسۋ», دەدى گايتي پوليتسياسىنىڭ باستىعى لەون شارل مينيسترلەر قاتىسقان ءباسپاسوز ءماسليحاتىندا.
ءشارلدىڭ ايتۋى بويىنشا, قاستاندىق جاساۋشىلاردىڭ تاعى ەكى جەتەكشىسى بولعان, الايدا ولاردىڭ كىم ەكەنى بەلگىسىز.
سانوننىڭ ءۇيىن ءتىنتۋ كەزىندە قارۋ-جاراق پەن وق-دارىلەر تابىلدى.
ەسكە سالا كەتسەك, گايتي پرەزيدەنتى دجوۆەنەل مويز سەيسەنبىدەن سارسەنبىگە قاراعان ءتۇنى رەزيدەنتسياسىنا بەلگىسىز ادامداردىڭ شابۋىلىنان قازا تاپقان. شابۋىل كەزىندە ەلدىڭ ءبىرىنشى حانىمى مارتين مويز جاراقات الىپ, اۋرۋحاناعا جەتكىزىلدى. جوۆەنەل ءمويزدى ءولتىردى دەگەن كۇدىكپەن بىرنەشە قىلمىسكەر قاماۋعا الىندى.