بۇگىن تۇركى اكادەمياسىنا شتاب-پاتەرى اقش-تىڭ ۆاشينگتون قالاسىندا ورنالاسقان كاسپي ساياسات ورتالىعىنىڭ (CPC) دەلەگاتسياسى ارنايى كەلدى, دەپ حابارلايدى Egemen.kz اكادەميانىڭ ءباسپاسوز قىزمەتىنە سىلتەمە جاساپ.
سرس باس ديرەكتورى ەفگان نيفتي باسشىلىعىنداعى دەلەگاتسيا قۇرامىندا اقش–تىڭ قازاقستانداعى بۇرىنعى ەلشىسى جانە CPC باسقارما كەڭەسىنىڭ مۇشەسى ريچارد ە. حواگلاند, CPC باعدارلاما مامانى دجەرەمي كوەن بولدى. مارتەبەلى مەيمانداردى تۇركى اكادەمياسىنىڭ باسشىسى دارحان قىدىرالى قارسى الدى. ەكى جاقتى كەزدەسۋ بارىسىندا اتالعان ورتالىق پەن تۇركى اكادەمياسى اراسىندا تۇراقتى ارىپتەستىك بايلانىس ورناتۋ ماسەلەلەرى تالقىلاندى.
تۇركى اكادەمياسىنىڭ پرەزيدەنتى دارحان قىدىرالى ۇيىمنىڭ ماقساتى مەن قىزمەتى تۋرالى كەڭىنەن مالىمەت بەرىپ, بۇۇ, يۋنەكو جانە يسەسكو سياقتى ىرگەلى حالىقارالىق ۇيىمداردىڭ شتاب-پاتەرلەرىندە اكادەميا تاراپىنان ۇيىمداستىرىلعان ءىس-شارالار جونىندە ايتتى.
ءوز كەزەگىندە دەلەگاتسيا جەتەكشىسى ەفگان نيفتي CPC-تىڭ اقش-تاعى كاسپي ماڭى ايماعى تۋرالى زەرتتەۋلەر جۇرگىزەتىن ماڭىزدى ساراپتاما ورتالىعى ەكەنىنە توقتالدى. سونداي-اق ول نۇر-سۇلتان قالاسىنا العاشقى رەسمي ساپارى اياسىندا اكادەمياعا كەلەگەنىن مارتەبە سانايتىنىن جەتكىزدى.
كەزەدسۋدە ءسوز العان ەلشى ريچارد ە. حواگلاند وزىنىڭ بىرنەشە جىلدار بويى قازاقستان مەن ازەربايجاندا قىزمەت ەتكەنىن جانە ورتالىق ازيا ايماعىنىڭ حالىقارالىق ارەناداعى ماڭىزى ەداۋىر ارتقانىن اتاپ ءوتتى.
تۇركى اكادەمياسى جۇزەگە اسىرعان جوبالاردى جوعارى باعالاعان دەلەگاتسيا باسشىسى ەفگان نيفتي كاسپي ساياسات ورتالىعىنىڭ اكادەميامەن تىعىز ىنتىماقتاستىق ورناتۋعا ىنتالى ەكەنىن مالىمدەدى.
كەزدەسۋ سوڭىندا ۇيىم باسشىسى دارحان قىدىرالى CPC باس ديرەكتورى ەفگان نيفتيگە اكادەميا شىعارعان باعالى باسىلىمداردى سىيعا تارتتى.