قازگيدرومەت 11 شىلدەگە ارنالعان اۋا رايى بولجامىن جاريالادى, دەپ حابارلايدى Egemen.kz.
ۆەدومستۆونىڭ مالىمەتىنشە, رەسپۋبليكانىڭ باسىم بولىگىندە وڭتۇستىك تسيكلوننىڭ اسەرىنەن قۇبىلمالى اۋا رايى ساقتالادى.
نايزاعاي جارقىلدايدى, ەل ءوڭىرىنىڭ ورتالىق, سولتۇستىك-باتىس جانە شىعىسىندا قاتتى جاڭبىر جاۋادى. تەك وڭتۇستىك-باتىستا جانە وڭتۇستىكتە كۇن اشىق بولادى. رەسپۋبليكا بويىنشا كەي جەرلەردە داۋىل تۇرىپ, بۇرشاق جاۋادى, جەلدىڭ كۇشەيۋى ىقتيمال, وڭتۇستىك جانە وڭتۇستىك باتىستا شاڭدى داۋىل تۇرادى.
شىعىس قازاقستان, قاراعاندى وبلىستارىنىڭ كەي جەرلەرىندە داۋىل, بۇرشاق كۇتىلەدى, جەلدىڭ كۇشى 15-20, ەكپىنى 25 م/س.
الماتى, جامبىل وبلىستارىنىڭ كەي جەرلەرىندە جەلدىڭ جىلدامدىعى 15-20 م/س جەتەدى, ەكپىنى 23-28 م/س.
جامبىل وبلىسىنىڭ كەي جەرلەرىندە – شاڭدى داۋىل, الماتى وبلىسىندا بۇرشاق جاۋى ىقتيمال.
تۇركىستان وبلىسىنىڭ كەي جەرلەرىندە جەل 15-20 م/س, شاڭدى داۋىل سوعادى.
پاۆلودار وبلىسىنىڭ كەي جەرلەرىندە بۇرشاق, جەل 15-20 م/س كۇشەيەدى, تۇندە جانە تاڭەرتەڭ تۇمان ءتۇسۋى ىقتيمال.
قوستاناي وبلىسىنىڭ كەي جەرلەرىندە بۇرشاق , جەلدىڭ كۇشى 15-20 م/س.
باتىس قازاقستان وبلىسىنىڭ كەي جەرلەرىندە جەلدىڭ جىلدامدىعى 15-20 م/س جەتەدى, كۇندىز داۋىل, بۇرشاق كۇتىلەدى.
كۇندىز اقمولا, قىزىلوردا, اتىراۋ, اقتوبە, سولتۇستىك قازاقستان وبلىستارىنىڭ كەي جەرلەرىندە جەل 15-20 م/س كۇشەيەدى,
قىزىلوردا وبلىسىندا شاڭدى داۋىل تۇرادى.
كۇندىز اتىراۋ وبلىسىندا اپتاپ ىستىق ساقتالادى.
قىزىلوردا, تۇركىستان, ماڭعىستاۋ, اتىراۋ, جامبىل وبلىستارىنىڭ باسىم بولىگىندە, اقتوبە, قوستاناي, قاراعاندى, باتىس قازاقستان, اقمولا, الماتى وبلىستارىنىڭ كەي جەرلەرىندە وتە جوعارى ءورت قاۋپى بار.