قورعانىس ءمينيسترىنىڭ ورىنباسارى تيمۋر داندىباەۆ ورتالىق كوممۋنيكاتسيالار قىزمەتىندە ءوتىپ جاتقان ءباسپاسوز ءماسليحاتىندا قازاق اسكەريلەرىنىڭ اۋعانستان شەكاراسىن كۇزەتۋگە بارۋ ىقتيمالدىعى تۋرالى پىكىر ءبىلدىردى, دەپ حابارلايدى Egemen.kz.
قورعانىس ءمينيسترىنىڭ ورىنباسارى ناقتى شەشىمدى حالىقارالىق ۇيىمدار مەن ەلدىڭ پارلامەنتى قابىلدايتىنىن ءتۇسىندىردى.
«حالىقارالىق قاۋىپسىزدىك شارالارىن قامتاماسىز ەتىپ, قولداۋ ءۇشىن قانداي دا ءبىر كونتينگەنتتى جىبەرۋ ءۇشىن بىزگە بىرنەشە شارت كەرەك. ول شارتتىڭ ءبىرى – ەكى تاراپتىڭ ءبىرى ۇجىمدىق قاۋىپسىزدىك كەلىسىمشارتى ۇيىمىنا كومەك سۇراپ جۇگىنۋى ءتيىس. ەكىنشىدەن, ۇجىمدىق قاۋىپسىزدىك كەڭەسى دەڭگەيىندە شەشىم شىعۋى قاجەت. ارينە, ول شەشىمدى ءبىزدىڭ ەلدىڭ پارلامەنتى راتيفيكاتسيالاپ, حالىقارالىق ميسسيا اتقاراتىن كونتينگەنتتىڭ جىبەرىلۋىنە رۇقسات بەرۋ كەرەك. وسى شارتتاردىڭ ءبارى ورىندالعان جاعدايدا ءبىز سايكەسىنشە ءوزىمىزدىڭ حالىقارالىق مىندەتتەرىمىزدى ورىنداۋعا دايىنبىز», دەدى تيمۋر داندىباەۆ.