«ازاماتتارعا ارنالعان ۇكىمەت» مەملەكەتتىك كورپوراتسياسى باسقارما توراعاسىنىڭ ءبىرىنشى ورىنباسارى سۇيەنىش ءابدىلدين قازاقستاندا ەلەكتروندىق تسيفرلىق قولتاڭبالاردى (ەتسق) بۇلتتى ساقتاۋ جۇيەسى قاشان ەنگىزىلەتىنىن ايتتى, دەپ حابارلايدى Egemen.kz.
ء«بىز ءالى كۇنگە دەيىن كوپتەگەن ادام قاجەت جۇمىسىن حقكو-نا بارىپ ءبىتىرۋدى ءجون كورەتىنىن بايقاپ وتىرمىز. قىزمەتتەردى تالداۋ قىزمەت الۋشىلاردىڭ وتىنىشتەرىنىڭ 75 پايىزىن تەك التى قىزمەت قامتيتىنىن كورسەتتى. تەك 2020 جىلدىڭ وزىندە 4,8 ميلليون ازامات ەتسق الۋ ءۇشىن كەلدى. بۇل بارلىق ءوتىنىشتىڭ 30 پايىزى. تسيفرلىق دامۋ مينيسترلىگى «ۇلتتىق اقپاراتتىق تەحنولوگيالار» اق-مەن بىرلەسىپ بۇلتتى ەتسق ەنگىزۋ ماسەلەسىن پىسىقتاپ جاتىر. بۇل جوبا ەتسق الۋ پروتسەسىن ايتارلىقتاي جەڭىلدەتۋگە مۇمكىندىك بەرەدى. ءبىز بۇل شەشىم ادامداردى ونلاين رەجيمگە كوشىرەدى دەپ كۇتەمىز», دەدى سۇيەنىش ءابدىلدين وكق بريفينگىندە.
ونىڭ ايتۋىنشا, بۇلتتى ەتسق بيومەتريالىق دەرەكتەر بويىنشا ۆەريفيكاتسيا ارقىلى قولجەتىمدى بولادى. جۇيە فايل تۇرىندە بولمايدى, ەلەكتروندىق تسيفرلىق قولتاڭبالار قاشىقتاعى سەرۆەرلەردە ساقتالادى.