ەلوردادا وتكەن تاۋلىكتە شەكتەۋ شارالارىن ساقتاماعانى ءۇشىن قالانىڭ ءۇش قوعامدىق تاماقتانۋ ورنى اكىمشىلىك جاۋاپكەرشىلىككە تارتىلدى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
ەسىل اۋدانىندا «Chelsea» سپورت-بارى بەلگىلەنگەن ۋاقىتتان كەيىن دە جۇمىس ىستەۋىن توقتاتقان جوق. ال «Opus One» كافەسى جۇمىس رەجيمىن ساقتاماعانى ءۇشىن جاۋاپقا تارتىلدى.
سارىارقا اۋدانىندا ورنالاسقان «كوكتال» كافەسى ەلوردانىڭ باس سانيتارلىق دارىگەرىنىڭ قاۋلىسىن ەلەمەي, ءتۇننىڭ ءبىر ۋاعىنا دەيىن جۇمىس ىستەگەن. تەكسەرۋ كەزىندە مەكەمەدە ادام كوپ بولىپ, الەۋمەتتىك قاشىقتىق ساقتالماعانى انىقتالدى.
ءتارتىپ بۇزۋشىلارعا قاتىستى جينالعان ماتەريالدار ءتيىستى شارالار قابىلداۋ ءۇشىن اۋداندىق سانيتارلىق-ەپيدەميولوگيالىق باقىلاۋ باسقارمالارىنا تاپسىرىلدى.
ەستەرىڭىزگە سالا كەتەيىك, نۇر-سۇلتان قالاسى ەپيدەميولوگيالىق احۋالدى باعالاۋ بويىنشا «قىزىل» ايماقتان شىققان جوق. قالا تۇرعىندارى مەن قوناقتارى, سول سياقتى كاسىپكەرلىك نىساندارى سانيتارلىق نورمالاردى, شەكتەۋ شارالارىن قاتاڭ ساقتاۋى ءتيىس.