جاپونيا ۇكىمەتى توكيودا 12 شىلدە مەن 22 تامىز ارالىعىندا كوروناۆيرۋس ينفەكتسياسىنا بايلانىستى توتەنشە جاعدايدى ەنگىزەدى, دەپ حابارلايدى Egemen.kz.
بۇل تۋرالى ينفەكتسيانىڭ تارالۋىنا قارسى كۇرەس جونىندەگى ورتالىق شتابتىڭ قىزمەتىن ۇيلەستىرەتىن جاپونيانىڭ ەكونوميكالىق قالپىنا كەلتىرۋ ءمينيسترى ياسۋتوشي نيشيمۋرا جۋرناليستەرگە بەيسەنبىدە ساراپتاما كوميسسياسىنىڭ وتىرىسىندا ايتتى.
«توكيودا ينفەكتسيالار سانىنىڭ كوبەيۋ تەندەنتسياسى جالعاسۋدا, بۇعان قوسا, دەلتا شتامى تارالۋدا. سوندىقتان ينفەكتسيانى بولدىرماۋ جانە دەنساۋلىق ساقتاۋ جۇيەسىن قورعاۋ ءۇشىن ءبىز 12 شىلدە مەن 22 تامىز ارالىعىندا توتەنشە جاعداي رەجيمىن ەنگىزەمىز», دەدى ول .
وسىلايشا, توتەنشە رەجيم توكيودا جاپونيا استاناسىندا 23 شىلدە مەن 8 تامىز ارالىعىندا وتەتىن جازعى وليمپيادا ويىندارى كەزىندە جۇمىس ىستەيدى. نيشيمۋرا سونىمەن قاتار وسى مەرزىمگە مينيسترلەر كابينەتى وكيناۆانىڭ وڭتۇستىك پرەفەكتۋراسىندا توتەنشە جاعداي رەجيمىن ەنگىزىپ جاتقانىن مالىمدەدى.
سونىمەن قاتار چيبا, سايتاما جانە كاناگاۆا شىعىس پرەفەكتۋرالارىندا, سونداي-اق باتىس وساكادا ينفەكتسيانىڭ تارالۋىنا قارسى كۇشەيتىلگەن شارالار 22 تامىزعا دەيىن ۇزارتىلدى.