الماتىنىڭ باس سانيتار دارىگەرىنىڭ ساۋەگەيلىگى راستالىپ, سوڭعى جۇمادا ءۇندى شتامىنىڭ تارالۋىنا بايلانىستى مەگاپوليستە كوروناۆيرۋستىڭ ءتورتىنشى تولقىنى باستالعانى رەسمي تۇردە ءمالىم بولدى.
ەپيدەميولوگتار قالادا سوڭعى ەكى اپتادا كۆي دەرتى 1 143-تەن 2 377 جاعدايعا دەيىن وسكەنىن العا تارتىپ وتىر.
«الماتىدا 17 ماۋسىمنان باستاپ ەپيدەميالىق جاعداي مۋتاتسيالانعان جاڭا «دەلتا» شتامىنىڭ تارالۋىنا بايلانىستى كۇردەلەنە ءتۇستى. وتكەن اپتادا پتر ناتيجەلەرى الدىڭعى 7 كۇندەگى 130-عا قاراعاندا تاۋلىگىنە 215-كە دەيىن ءوستى», دەدى قالانىڭ باس سانيتارلىق دارىگەرى جانداربەك بەكشين.
ول مەگاپوليستە قازىردىڭ وزىندە 56 مىڭنان استام ادام, ونىڭ ىشىندە ماۋسىم ايىندا 4 573 ادامنىڭ ۆيرۋس جۇقتىرعانىن ايتتى. 2021 جىلدىڭ ءبىرىنشى جارتىجىلدىعىندا دەرت وتكەن جىلدىڭ وسى كەزەڭىمەن سالىستىرعاندا 10 ەسەگە ارتقان. ج.بەكشين مەگاپوليستە كوروناۆيرۋس جۇقتىرعانداردىڭ سانى نەلىكتەن تەز وسكەنىن ءتۇسىندىردى.
«دەرتتىڭ كۇرت ءوسۋىن كوروناۆيرۋستىڭ ء«تورتىنشى تولقىنى» دەپ اتاۋعا بولادى. ءبىز دەرتكە قارسى تۇرا الامىز, قازىردىڭ وزىندە 3 500 توسەكتىك ورىن دايىندالدى. قازىرگى كەزدە ناۋقاستارعا ارنالعان 1760 توسەكتىك ورىن بار. ولاردىڭ سانىن 35%-عا ارتتىرامىز», دەدى ول.
الماتىنىڭ باس سانيتارلىق دارىگەرى ءۇندى شتامىن جۇقتىرعان ايەل مەن ونىڭ بالاسىنىڭ جاعدايى تۋرالى دا باياندادى. ايەلدىڭ ايتۋىنشا, ءىرى قۇرىلىس دۇكەنىنە بارعان كورىنەدى, ينفەكتسيانى سول جەردە جۇقتىرۋى مۇمكىن.
الماتى ەپيدەميولوگتارى ىندەت وشاقتارى – وتباسىلىق شارالار, تويلار, مەرەيتويلار, ەسكە الۋ كەشتەرى ەكەنىن العا تارتىپ وتىر. سونداي-اق تۇنگى كلۋبتارعا كەلۋشىلەر, كاراوكە ورىندارىنان 0,2%-عا وسكەنىن ايتادى. ال ASHYQ جوباسىنا قاتىساتىن نىسانداردا ينفەكتسيا جاعدايلارى تىركەلمەگەن. بۇل رەتتە وتباسىلاردا جۇقتىرۋدىڭ ۇلەس سالماعى – 25%, ساۋدا نىساندارىندا – 23%, قوعامدىق كولىكتە قاتىناۋ – 16,7%, بۇقارالىق ءىس-شارالارعا قاتىسۋ كەزىندە 6% قۇرايدى.
«دەلتا» شتامىنىڭ بالالار مەن جاستارعا ناقتى اسەرى قانداي دەسەك, وتكەن اپتادا 14 جاسقا دەيىنگى بالالار اراسىندا اۋرۋ 2,3%-عا وسكەن. الماتىدا «دەلتا» شتامىنىڭ ۇلەس سالماعى 78 پايىزدى قۇرايدى.
دەرت جۇقتىرعاندار سانىنىڭ كۇرت وسۋىنە بايلانىستى 18 ماۋسىمنان باستاپ مەگاپوليستە مۋتاتسيالانعان شتامدارعا زەرتتەۋ جۇرگىزىلە باستاعان ەدى. باس سانيتار 30 ماۋسىمدا كەزەكتى زەرتتەۋلەردىڭ ناتيجەسى الىنعانىن بايانداي كەلە: «46 سىنامانىڭ 36-دا «دەلتا» شتامى, 8-ىندە «الفا» شتامى جانە ەكەۋىندە – اشىلماعان مۋتاتسيا انىقتالدى. الماتىداعى ەپيدەميالىق احۋال كوروناۆيرۋس دەرتىنە شالدىققانداردى زەرتتەۋ بارىسىندا انىقتالعان 78% ۇلگىسىندە جاڭا «دەلتا» شتامىنا بايلانىستى ۋشىعىپ وتىر», دەدى.
ج.بەكشين كەزەكتى رەت قالا تۇرعىندارى مەن قوناقتارىن حالىق كوپ جينالاتىن ورىندارعا بارماۋعا, الەۋمەتتىك قاشىقتىق پەن بەتپەردە رەجىمىن ساقتاۋعا شاقىردى. الماتىنىڭ باس سانيتارلىق دارىگەرى كوروناۆيرۋستىڭ جاڭا شتامىنىڭ تەز تارالاتىنىن ءارى قالا تۇرعىندارىنىڭ دەنساۋلىعى ءۇشىن وتە قاۋىپتى ەكەنىن, سوندىقتان ۆاكتسينالانۋ قاجەتتىگىن ەسكە سالدى.
الماتى