ماسكەۋدە «سپۋتنيك V» ۆاكتسيناسىن جاسوسپىرىمدەرگە قولدانۋ ءۇشىن زەرتتەۋ باستالدى, دەپ حابارلايدى Egemen.kz.
سىناققا 100 ادام قاتىسىپ جاتىر. ەرىكتىلەر پتر-تەست تاپسىرىپ, مەديتسينالىق تەكسەرىستەن وتەدى. رەسەي استاناسى اكىمشىلىگىنىڭ حابارلاۋىنشا, زەرتتەۋ ءبىر جىلعا سوزىلادى. وسى ارالىقتا بالالار دارىگەرلەردىڭ تۇراقتى باقىلاۋىندا بولادى.
سىناق 3 كەزەڭنەن تۇرادى. ءۇشىنشى كەزەڭگە ەرىكتىلەردى قابىلداۋ كۇزگە قاراي باستالادى. زەرتتەۋ ناتيجەسىنە بايلانىستى «سپۋتنيك V» ۆاكتسيناسىن 12-17 جاستاعى بالالارعا قولدانۋ بويىنشا شەشىم قابىلدانادى.